arcuèlh

dimarts, de setembre 26, 2017

Cercatz l'incompeténcia, trobatz France 3 Tolosa o Montpelhièr

Quand se parla dels programas occitans de fRance 3, sembla èstre lo cap desconegut dels programas per fRance 3, mas son programets que sobrevívon dins la mediocritat generala dels burèus vesins e dels programas locals en general, que sovent dubrísson pas las pòrtas dels « occitans » (es aital que son nommat los jornalistas de lenga occitana de fRance 3)... benlèu per paur de contaminacion ideologica o per apréner quicòm que gastariá lo grand nivèl de mediocritat de fRance 3.

Fau notar que la concurréncia serà bona, vist que TV Sud qu'arriba a Tolosa, jà sap escriure CALANDRETA, lor aurà pas calgut 20 ans per o saber pas escriure coma a fRance 3 !

Fau notar que de manifestacion per Calandreta, n'i aguèt a Agen e Pau, e benlèu endacòm mai, mas lo reglament (segur) de la redaccion de Tolosa, dèu imposar lo localisme de la redaccion sul tèma ! 

Quina pietat d'aver una redaccion tolzana e montpelhierenca de fRance 3 talament mediòcra ! 

Un jorn benlèu los elegits del Conselh Regional auràn l'idèa d'una televisxion en lenga occitana, e alara finançarà sancièr (al mens per 4 ans) aquel programa ; e soi segur que se farà sus TV SUD, melhor que fRance 3 (per ajudar la mediocritat ?).

La censura en Euròpa es espanhòla

Aqueste maitin, la censura tòrna coma del temps del franquisme ; sèm en ESPAÑA ! 

Lo dreit d'opinion es donc interdit en Espanha, Espanha es encara una democracia, o sembla a Turquia, Síria, Iran, Sodan, Eritèra Aràbia Saodita, China ? Veneçuèla, Corèa del Nòrd ?

Mantunes site Internet, public e privat son estats arrestat per òrdre constitucional, òrdre democratic ? La dictatura d'una majoritat ?

Quand demissiona Mariano Rajoy ?


E lo poder e l'Estat espanhòl es encara benvengut dedins l'Union Europèa per aver censurat constitucionalament ? Ont i a un problèma ?

Lo Collectiu Praga explica perqué son en colèra contra los psèudodemocratas espanhòls ; legissètz lo seu comunicat : Col·lectiu Praga 20/09/2017; Comunicat conjunt del Col·lectiu Emma, el Col·lectiu Praga i el Col·lectiu Wilson, “Per què Europa hauria de veure amb bons ulls un referèndum...

las bancas son tanben questionadas en Espanha

Espanha sense Catalonha es Grècia.... Donc Espanha sense Catalonha, es Espanha roïnada.

Donc s'entendrà melhor perqué doman se parlarà de finança, e de l'endeutament d'Espanha ; ai jà indicat dins un documentari (bilhets precedents) que lo finançament en Espanha de l'argent public es l'argent del sistèma de corrupcion d'Estat, corrupcion del Partido Popular, per interès particular amagat amber l'etiqueta "Interès d'Estat" e sa violéncia contra la democracia.
 La mapa de las corrupcion Partido Popular es clara.
Qui o podrà oblidar en l'Union Europèa que baila d'argent de la Banca Central Europèa al govèrn Partido Popular de Madrid ?

 La finança matarà lo govèrn Rajoy ? Lo sosten del PNV-EAJ-PNB al budgecte arrestarà la moneda desgalhada en Espanha ? Lo govèrn del PP-PSOE-Ciudadanos, per la designacion, e pel budgecte -fins ara- ambe l'abstencion del EAJ-PNB-PNV.

dilluns, de setembre 25, 2017

Catalonha : votar lo un d'octobre

La question se pausa tanben per el : 



En lenga espanhòla....

Tots los democratas d'Espanha i son a gaitar Catalonha, totes los democratas d'Union Europèa o deurián estar tanben, que fan ? Que fan a la comission ? 


Catalonha / Espanha - doás realitats

La primièra realitat es la qualitat del combat democratic catalan, una fòto


La segonda es l'umor espanhòl, la fauta GRANDA de seriós de l'envasion militara espanhòla de Barcelona, Looney plora de rires.


Imaginèm una glèisa catolica prèp dels pòbles

En Occitània, avèm una glèisa francesa imperialista, imaginèm una glèisa coma aquel messatge que se donèt dimenge a MONTSERRAT (Catalonha) Imaginèm ! 


Ligam d'aquesta glèisa que parla catalan, e parla de libertat, parla del pòble de Catalonha, e del sistèma politic que melhor li anurà, la consultacion democratica (aquela que refusa lo poder espanhòl e francés).

Avèm en occitània, una glèisa vaticana qu'es mai prèp de l'extremisme de dreita francesa (exemple un curat de la glèisa del Taur a Tolosa) que non pas èime del pòble d'Occitània.

Io ai abandonat de passar dins las glèisa francesa d'Occitània, un paiuc coma m'es devengut insuportable de passar dins las universitats francesas d'Occitània.

diumenge, de setembre 24, 2017

JJ Bolzan : lo ridicul mata pas encara

JJ Bolzan, capolièr de l'UDI en Garona Nauta e al Conselh Regional, e cònsol ajunt de Tolosa, manifesta ambe los païsans per polluar las populacions, es de dire emplegar lo glifosata dins l'agricultura.

La promocion del glofosata es una promocion de l'industria quimica europèa, aquela qu'a ajudar a destrusir los pòbles dempuèi la guèrra de 14/18, dincal camps de concentracion josius nazi.... e un elegit tolzan e los païsans de la FNSEA ne fan la promocion !

Es pas la sola incompeténcia aquel elegit de Tolosa, mas aquel sobrepassa los limits per la sentat dels Tolzans. 

Mentre que los païsans en Occitània manifestan per la melhora intoxicacion quimica al glifosata dels païsans e de la populacion del país occitan, un elegit de Tolosa los ajúdan ! Se sona JJ Bolzan, UDI la dreita centrista e jacobina francesa en Occitània.

Mentre que los païsans FNSEA son los principals fautius de la politica tòrta europèa, sonada PAC, en matièra d'entrants en agricultura, coma en matièra de mercat, los païsans de Catalonha se manifesta per una melhora gestion de l'argent public. La FNSEA NON ! 

Al contrari la FNSEA fabrica la manipulacion agricòla ambe los budgectes europèus, la pus granda partida del budgecte europèu.

Campanha pel referèndum en Catalonha

Lo punt de vista de los qu'an cambiat d'avejaire encontra Espanha (la post-franquista), me sembla plan interessant d'aver al cap, sobretot pels jornalistas franceses que ... semblan grandament perturbats (e amb pauc de vision istorica dels eveniments) car sempre son jacobins e centralistas sense se mainar ! Mèstre Jourdain fasiá pròsas sense saber... explica Molière.
video


L'objectiu de l'independéncia es « GOVERNAR BIÉN » Catalonha ! 

Es un objectiu que nos fauta en Occitània, car los jacobins, reialistas o republicans, son sempre a badar la santa capitala per la copitar (RER per ligar la linha 3 de mètro a l'aeropòrt) e quitament per pagar al luòc de l'Estat (pagar la LGV entre Tours e Bordèu sense aver l'assegurança d'aver Tolosa-Bordèu), e quitament en copiar per corrupcion en ajudar las entrepresas de La Défense d'èstre sul mercat occitan [etc.], a l'exemple de Jean-luc Moudenc (Les Républicains, dreita expansionista francesa, e dins lo cas, superafionat al reialisme borbonic) a Tolosa.

GOVERNAR PLAN es l'objectiu de la democracia.
video
Donc fan campanha pel SI, mas oblidètz pas es tanben un ÒC ben gròs sus las camiseta de l'ANC per finançar las manifestacions del 11 de setembre, camiseta fabricada en Catalonha ! 

Nosauts tanben necessitèm Catalonha coma Estat, perqué Occitània es submetuda a la pensada jacobina, e lo personal politic es aquí per imposar al pòble (dels ciutadans) d'Occitània, la vision parisenc per melhor pagar lo centralisme, sa logistica e sos mèdias, e lo ben-Estat dels Parisencs, per pagar aquel regionalisme d'expansion parisenca que còsta a la democracia coma l'Espanhòl de Castilha còsta a Catalonha.

En Aran tanben auràn de votar ÒC o NON ... es democracia ! Aquela que los Espanhòls, o collabò an assimilat, e que de cap manièra vòlon. Totes los mejans, modèl franquistas, son alara bons per destrusir la consultacion.
Aquelas eleccions semblan « la croisière s'amuse » un programa vièlh que se debanava sus un batèu, Warner Bros programa Llooney qu'es pintrat suls batèus de la guardia civil espanhòla suls pòrts de Barcelona e Tarragona ; avèm donc una armada ineriora contra lo pòble dels ciutadans democratas (en Catalonha), l'armada franquista contra los pòbles de « España UNIDA Y GRANDE » coma l'estímava Franco, Primo de Ribera, una granda istòria de sobmission castilhana en Espanha, la renda contra lo trabalh (veire documental en seguida).
 E i a sempre coma en 1939, la collaboracion per damorar sobmesses...Los Philippe Pétain catalans son nombroses, mas son pas lo pòble de Catalonha, son l'engana espanhòla, lo NO que non que non fa campanha electorala quand l'eleccion, la consultacion, lo referèndum, li agrada pas.

dissabte, de setembre 23, 2017

Catalonha : perqué ? Las rasons economicas en vídeo, essencialas

Es non pas simplament una acarament entre Espanha e Catalonha, es un acarament de dos sistèmas economics : 1 / Espanha, la renda del mercat-Estat-nacion imperialista espanhòl (los jacobins an La défense), contra lo punt 2 / Catalonha, la vision economica de las PME-TPE sul mercat mondial (Occitània a res d'aiçò!).


Sèm al delai de l'acarament dels conceptes de democracia d'Estat (violent e repressiva coma sempre)  contra democracia parlamentària catalana ( representant de vertat del pòble dels ciutadans catalans).

Car es plan un pòble que vòl pus èstre al servici de la corrupcion d'Espanha, materializada pels govèrns PP, qu'an recebut sosten del PSOE, e de Ciudadanos.

Mas frena pas d'aver de l'umor en Catalonha e Espanha.
E segur Catalans e Occitans del Principat de Catalonha faràn clar la revolucion tranquilla que fautava a l'espaci occitano-catalan, ambe ginofladas.

Mas fau èstre a Vielha per defendre la democracia parlamentària catalana. Aran es donc concernit grandament, per servar l'estatut e o poder grandir. Ara es l'ora perls OCCITANS de bolegar per la democracia en Occitània (Aran e mai luènh Euròpa).

 

divendres, de setembre 22, 2017

Honte française, vergonha francesa, contunha l'ipocrisia francesa

Los politicians franceses son muts e ne fan cap vergonha, i a una granda solidaritat entre imperialistas o regionalistas d'expansion parisenc ambe los regionalistas d'expansion madrilenca. Sembla normal destrusir l'enveja d'aver de decidir per un pòble, d'autogovernar un pòble segon la Carta de l'ONU de 1947.


Aprèp se fau pas etonar que lo sistèma politic francés aguèsse res retengut de l'Istòria en Argèria !  (entre 1945 e 1962, nimai a d'autres moment o a d'autras expansions del centralisme francés).

La solucion es benlèu aquí :


Mas qui o va explicar @socialista_CAT ?

Catalunya - Catalonha : reaccion politica al Quebèc

Ligam del piulet oficial se tròba aquí o ailà. Pichona leiçon d'actes democratics ; d'escotar sancièr, donarà una leiçon als jacobins o regionalistas d'expansion parisenca, son talament muts per aquesta passa antidemocratica espanhòla que sembla un retorn al regime borbonic que fau pas bolegar.

video





La reaccion del poder al Quebèc es DEMOCRATA, que fan los elegits en Occitània ? Res ? Normal ? Son a rire de las estupiditats espanhòlas, es tot ? (Son ajudats fau creire !)

 Es que lo personal politic en Occitania sap pas pron çò que democracia vòl dire que mocar un pauc l'Espanha pòstfranquista ? Preferiscan fabricar camps de concentracion (en Occitània, pel desvolopament economic segur) camps pels republicans contra lo franquisme coma la IIIena republica o faguèt en 1939 ?

La Guarda Civil espanhòla en viatge d'agrement

Gràcia a las foscas politicas de MariaNONONO Rajoy s'assegura un salari maissant pels policièrs espanhòls, mas plan ben armats, coma militars, mas per la gràcia del borbonisme e centralisme madrilenc, e quand i a los Catalans que fan revòltas democraticas e popularas, contra aquela gestion centralista, donc, fau batèus per albergar la tropa dels militars espanhòls emplegats per un coup d'État modèl « democratic » espanhòl, ambe las colors politica de triumvirà PP-PSOE-Ciudadanos.

MOBY es de sortida es la repression espanhòla en Catalonha ; espèri que los productors de las bandas dessenhadas estanusianas aquelas, son avertits de l'emplec dels dessenhs contra lo pòble democrata de Catalonha ? Espèri que se protestaràn per la maissanta imatge que pòrta Espanha sus aquelas produccions audiovisualas estanusianas.

Se lo ridícul matava, Espanha seriá mòrta !


La vision de la fauta de solidaritat espanhòla que ambe l'argent dels Catalans, sense que sap far, es aver linhas d'AVE sense cap client, o estacion AVE sense clients, o autorotas a gratís per Madrid, per la solidaritat per las regions perifericas, faudrà despertar a Franco !


Mantunes belgües de France Inter fan servir la situacion en Belgica (17h10/17h59 cada jorn), dels rics contra los paures (concepte marxista) per assegurar que la situacion en Catalonha es la meteissa ; « los catalans son gaire solidaris » nos explicaràn los Blegües de l'umor de conquèsta regionalista francofòna de Brussèls ; aqueles belgües francofònes an oblidat grandament l'Istòria del colonialisme francofòn en Belgica e Còngo (segurament).

Mas l'idèa de la fauta de solidaritat dels Catalans contunha de rodejar dins los mèdias franceses, es una idèa simplista qu'ajuda de non pas interpretar melhor la situacion de la guèrra mediatica, entreprenarial, e fins finala economica entre Espanha e Catalonha.

Mas per astre, MOBY es de sortida, e lo ridicul trapa aital una imatge per pegar a l'Espanha de la repression novèla.

Que fan los elegits d'Occitània ?

La question es clara, Espanha trabalha coma del temps del franquisme contra la democracia, que fan los elegits d'Occitània ? Se preparan a arcuelhir los sampitèrnes camps de concentracion modèl 1939 ?


 En Sardenha, fan !
Dins la premsa alemanda, fan protestacion ? La premsa francesa, qué ? la premsa autoproclamada de la democracia, que fan ?
Dins los burèus de Bruxelles, fan totes los partits, levat los Franceses !

Que fan en Occitània, los elegits d'Occitània ? Es causa del vesin del SUD d'Occitània ! 

Los republicans franceses son democratas o pas ?

Tot èra previsible, se la propaganda o la fake diplomacia espanhòla èra stada considerada coma simplament descendenta del franquisme, tot èra previsible ; perqué los elegits d'Occitània son muts ?

E mut, l'accusacion es per totes los elegits de las comunas, de las aglomeracions, dels departaments, de las regions, de l'Assemblée dita Nationale, del Sénat, e dels elegits del Parlament Europèu ; non pas bolegar es confirmar la situacion de la dictatura dels Estats europèus contra un pòble europèu, donc contra totes los pòbles europèus.

Per èstre clar, a las eleccions venentas quastionarai sus las accions de cada elegits d'Occitània per saber que fan per Catalonha e la democracia, Catalonha es pas Kurdistan, ni Africa, ni Àsia, es a costat ! 

Protestacions parlamentàrias en Irlanda, Reiealme-Unit, Belgica, Estònia e Sardenya per l'estratègia de #Rajoy ambe lo #1Oct http://bit.ly/2xxZNfK

 QUE FAN LOS ELEGITS D'OCCITÀNIA ? SERÀN AUTANPLAN VERGONHOSES QUE LOS ELEGITS Partido Popular, Ciudadanos (ALDE), e PSOE al nivèl madrilenc 
o Union Europèa ?

dijous, de setembre 21, 2017

Sud Ouest : la UNE MINABLE d'Iparralde

Aont Iparralde (País Basco de l'Estat jacobin francés) la migracion basca se remembra çò qu'èra lo franquisme, e la migracion reprimida junta, lo jornal Sud-Ouest a una portada vomitòria.

O Sud-Ouest pensa que fau desinformar e damorar mut ?

Sembla que Baiona francesa es muda del còp d'Estat que se debana a Barcelona actualament !

Tota la premsa mondiala ne parla, quitament la premsa parisenca en primièra pagina.

 _°_
Reaccion ENFIN ; EELV Occitània bolega.


 

solidaritat amb lo pòble catalan

Espanha a perdut Catalonha, ièr 20 de setembre de 2017.

 
MariaNONONO Rajoy perdrà lo poder (?), que faràn lo PSOE contra Rajoy al govèrn ? Res ? Son devenguts franquistas ? La rason de pèrdre lo poder : mal tractament de la democracia en Euròpa.

Que fan las « democracias » europèas ? 

 La bandièra espanhòla serà pus jamai una bandièra democrata.

Mentre tot aiçò que fan los Catalans, UMOR ! E los socialistas PS(O)E que fan ? Ajudar al Partido Popular, article 155 .... Dançar ! Que fan los socialistas de fRança ? Especialament un catalan recent d'immigracion republicana e ancian premièr ministre del jacobinisme : que fa aquel ? E l'espanhòla cònsol màger de Paris, que fa ? Protesta ?