arcuèlh

dimecres, de juny 29, 2011

Lo parlar correct discrimina la semantica occitana, lo nègre castigat

Una novèla aquesta maitin es vengut dels Païses Baisses, e me sembla important de revelar l’afar.

nègre LeDevoir 290611

La novèla es notada per LeDevoir aqueste maitin, mas concernís tanben Occitània. Lo camin del mot nègre, es un camin qu’es partit d’Occitània, del pòrt de Bordèu, e de la boca dels comerçants borgeses que l’emplegávan.

Alara lo cal eliminar de l’occitan ? Designa la color qu’en francés se dís noir, en anglés, black, en espanhòl, negro.

La paret es nègra, lo ment de l’autor es nègre, etc. Lo mot a migrat dins totes las literaturas sul tèma.

E efectivament la pèl de mantunes Africans es nègra. Son alara Nègres… Negroes en anglés.

-°-

Castigat tanben es estat l’organizacion Libertat pel festenal de Montcuc [dins lo camp de la repression Préfecture, Identitaire, e en sobre ajuda “ciutadana” de los Gendarmes, quora sètz contra lo nacionalisme francés, en republica se castiga, i a pas libertat d’opinion – ne tornarai escriure], per la fèsta nacionala. Espèri qu’o serà pas a Vença en país de Niça.

Festenal de MontCUC fèsta nacionala occitana affiche La Conque 2011

dijous, de juny 23, 2011

Serà la “Fête Nationale” al Quebèc…

Serà la "fête nationale" al Quebèc, o podrà èstre tanben un jorn per Occitània ? L'es per la Val d'Aran...

publicitat per la fête nationale al Quebèc

Nos podrèm regaudir d’o poder far en Occitània, quora se destriarà la ciutadanetat (juridic, imposat per París e son sistèma jacobin, per son sistèma partesan, sa vida mediatica, sa façon de crear de cultura ex-nihilò), e la nacionalitat (se lo pòble occitan abandona pas sas tradicions, sas cantas, sa vision del planèta, sa lenga e culturas, sas valors creatriças pel continent europèu, es l’antropologia que ne fa la descripcion). Nos podrèm regaudir, sonque alara. E podrèm sonque castigar las nòstra flaquesa ontologica, e nos pus los frens politics que París nos fa portar, en se regaudir e en entoxicar lo pòble occitan de sas supausadas bontats republicanas e d’Estat centralista e jacobin. Podrèm explicar que siam pus manipulat per la religion republicanista francesa.

E alara se pdorà pensar quora París serà tornada a la rason politica, e comprendrà tanben aquela diferéncia, tanben per totas las regions de fRANÇA.

E alara un jorn aurèm festanacionala.oc o hestanacionau.oc o festonacionalo.oc …

O ambe lo ambiament de nominacion Internet festanacionala.occitana per clarament installar l’afar dins lo politic, al sens grèc del mot. escrivi pas sul politician qu’es bailat “generosament'” pel sistèma politic parisenc…

Nos podrèm tanben ajudar ambe d’articles de pès dins la premsa locala, que serà pus la votz de París, un provincialisme republican. Podrèm platusar sul tèma liurament, sense aver mestièr d’aver páur d’èstre ostracizat per la pensada unica parisenca, coma la seuna lenga unica zo prepausa.

fête nationale LeDevoir 220611

E alara Occitània serà lo Quebèc del Canadà… Un pantais ?

Fins al moment que pantaissèm per Occitània, al Quebèc fan la “Fête Nationale”, documents de LeDevoir fan reflechir sul tèma :

Bona fête nationale al QuebècBona fête nationale al Quebèc 2Bona fête nationale al Quebèc 3

-°-

Se debanarà en Avinhon, en occitan, anglés e francés :

estelas avinhon teatre

dimecres, de juny 22, 2011

Les nuls de la com’ officielle de Tolosa

Pierre Cohen se fa regularament una promocion ambe l’ajuda clara de la premsa parisenca…

Cohen Marianne portada Lo podèm aital veire en primièra pagina de la premsa de propaganda, Le Point, L’Express, L’Expansion, Nouvel Obs, e ara Marianne. Es estat tanben lo cas per La Dépêche du Midi. I a un enjòc que m’escapa, un pauc o leugierament. Enfin soi pas tant nèci o piòt, çaquelà.

Dins las causas que la premsa parisenca veson pas, cal anar veire darrièr la faciada. Es simple. Cal gaitar las promocions institucionalas de la comuna, son l’expression del nacional-expansionisme, un modèl pel franquisme e que tornèm trapar dins l’afichatge de la fèsta dicha nacionala del 14 de julhet. Es nacionala dempuèi que los revolucionari a botat de costat la nocion de democracia en fRANÇA e que faguèron la promocion de la republica.

La vergonha es que lo que s’aucupa de la promocion de la ciutat es un filh de refugiat espanhòl, que benlèu se li a pas tot explicat…

La resulta es aiçò, una bandièra franquista per designar Cali un cantaire de lenga francesa e d’origina dels Pirinèus-Orientals… Istòria de Sud, coma dirián los parisencs. L’Ignorança sembla pas èstre sonque parisenca, sembla èstre tanben dins lo cap d’un filh de refugiat republican espanhòl. Per aver una idèa de çò qu’un parisenc pòt saber en geografia, un amic meu me l’a contat uin jorn ; èra estat mudat a París per èstre ensenhaire, e coma aviá tròp d’accent (occitan dins lo francés, segon tot lingüista), accent del midi (pels Franceses que i coneisson res), se li diguèt la famosa frasa : «vous avez un accent basque de Carcassonne», donc es impossible d’ensenhar per la republica.

Vesètz un pauc lo nivèl de la com’ que nos vòl far creire que Cali es lo «grand sud», quasiment l’Espanha franquista … una e indivisible, aquí se habla la lengua de l’emperio, coma Franco li agradava.

promocion tolzana Lo 1ièr 14 kulhet es estat la fèsta de la federacion, los Dreits de l’Òme èran tradusit en 7 lengas ; lo segond es estat, ambe los extremistas que s’i son installats al poder centralista, dich la «fête nationale» ; un modèl pel franquisme.

Qu’es aquò lo sistèma francés que la com’ tolzana vòl valorizar devath la bandièra franquista, e lo 14 de julhet ; zo sabèm. l’avèm escotat sobre la cinquèna cadena ; es cotatz Bruno Thouzellier dins «C dans l'air», a propaus de l'afar Georges Tron : «En l'absence de preuves matérielles, il est extrêmement difficile de condamner quelqu'un.» Levat s’es còrse o basco, evidentament. Es lo projecte politic de la com’ de Tolosa ? O simplament l’evidéncia d’una casta republicanista o francmaçona que se protegís ?

Per astre, totes los socialistas son pas del meteis bais nivèl cultural e politic :

comunicat Lemorton Douste-Blazy comunicat arf

La com’ chevènementista estima pas los independentistas bascos, o catalans, mas per l’Estat independent de Mónegue dins lo programa dels Chevènementistas o dels francmaçons franchimands, ai vist res coma accions concretas, res… Pel moment l’Estat francés li baila un prefecte, nommat pel govèrn republican supausadament democratic e installat a París, e que nos impausa sa lenga imperialista.

Mónegue

-°-

Una publicitat a París, dins lo mètro uèi…

Pub a Paris

O de notar aqueste encontre dels escrivans de la Comunautat de Trabalh dels Pirinèus, son mai que Pirinencs, escrívon en basco, occitan, aragonés e catalan… Un, l’occitan, arriba de Peirigòrd, lo costat lemosin.

Pyrineo 2011 escrivans pirinencs

Integracion o/e assimilacion

Los Franceses fan sovent dins l’indiferéncia l’emplec de mots qu’an consequéncias politicas diferentas. Aital per l’exemple vos vau mostrar quina es la diferéncia entre integracion e assimilacion.

Una populaicon integrada es una populacion qu’a integrat lo fait lingüistic del territòri sobre que s’installa (se tròba que l’occitan es una lenga territorializada, mas i a tanben en Occitània una autra lenga non territorializada qu’es la lenga del Rròms), senon es de colonailisme o de republicanisme à la française.

Acabi de recebre en francés, un document d’informacion sobre una animacion tolzana, e tròbi qu’es una bona iniciativa per entendre melhor las comunautats tolzanas, mas es pas un instrument de coësion sociala :

Invitation pour large diffusion

amitié

« Ubuntu » est un vieux mot africain qu’on retrouve dans plusieurs langues africaines (zoulou, swahili, lingala, chimaore, kikuyu, kiganda, kinyankole, shona, kikongo, kidouala, kinyarwanda, kirundi  ….)  qui signifie « Humanité ».

Mais il faut ajouter que le mot « humanité » ne suffit pas à traduire le mot « ubuntu « car il a un sens plus vaste, utilisable pour signifier la qualité reconnue et applicable à une personne.

« Quelqu'un d'ubuntu est de bonne mœurs…. généreux, disponible et ouvert aux autres » car il a conscience « d'appartenir, lui et l’autre, à une souche commune….à quelque chose de plus grand qui n’a pas de mesure».

Ubuntu signifie également « Je suis ce que je suis grâce à ce que nous sommes tous ».et l’esprit « Ubuntu » apporte au monde «ordre, stabilité, convivialité  et harmonie»

Ce concept a d’ailleurs été mondialement popularisé par un système d'exploitation de logiciel libre nommé Ubuntu, créé par un Sud-africain.et déposé en tant que marque de la société « CANONICAL » …. Vous pouvez me compléter si je me trompe …

CRAN Midi-Pyrénées

Conseil Représentatif des Associations Noires

7, Route de Saint-Simon N° 15 place hysope - 31100 TOULOUSE

L’adreiça es en lenga francesa, auriá poscut èstre en lenga occitana : 7 camin de Sant-Simon N°10 plaça isòpe – 31100 Tolosa.

Es ligat a un “flyer”, es aital qu’escrívon en francés (…).

Lo tèxte auriá poscut èstre tanben dins la lenga d’aquí, dins la lenga occitana. Las rasons son multiplas, mas es primièr una question de respecte de las populacions qu’an bastit lo país occitan ambe coma instrument unic fins a 1950 en lenga occitana.

Ai donc recebut aiçò :

semaine_ubuntu_recto

Se la cargada de mission per l’occitan aviá dubert la pòrta de l’associacion (segur que dèu aver fòrças pòrtas de dubrir, mas es pas aquò son ròtle ? Quí l’a definit ?), i auriá agut aquela aficha :

semaine_ubuntu_recto_oc

En companhiá de l’autra… plan segur.

Mas lo problèma, l’a pas la cargada de mission, lo problèma l’a lo personal politic que li a pas donat una descripcion de son òbra, gestion de pòste, que correspond a çò que cal per l’integracion de totas las populacions a la civilizacion tolzana, occitana, en francés e en occitan. Es una reala politica lingüistica. Arcuélher las populacions foranas passa pas per lor imposar la lenga oficiala a l’entrada, mas de lor ensenhar quinas lengas se parla suls territòris a l’entrada. Dins lo quasèrn d’arcuelh dels ciutadans tolzans, e i a una pagina sobre l’occitan e sa practica ? E i a un quasèrn d’arcuelh dels ciutadans a Tolosa ?

Es aital que se podrà entendre lo tèxte de LibéToulouse que comprendrà jamai res al problèma dels Franceses a prepaus de l’occitan.

Car lo meteis public politic que refusa lo comunautarisme d’un elegit parisenc plan conegut e president de la republica al govèrn, fabrica en Occitània un politica comunautarista per l’occitan : la cargada de mission es cargada d’explicar a las associacions occitanas que los socialistas fan fòrças causas per l’occitan (ne fan ambe la rpession ecologista), mas es pas aquí per desvolopar una politica lingüistica, es aquí lo malastre.

L’occitan significa tanben UBUNTU.

Imposar lo sol francés, lenga administrativa, lenga d’Estat, es una imatge politica de la republica, es de netejament lingüistic, es de nacionalisme d’expansion parisenca, e de pòst-franquisme totparier. Es tot çò que cal fugir. Aprèp n’i a que s’estonaràn, sovent los meteisses o las meteissas, que lo monde indigène votèsse FN… e que posquèsse pas integrar las populacions migrantas, de moment que lor a enlevar la facultar de transmetre un saber, un gai-saber (coma sabèm çò qu’es en occitan).

Ongan lo francés es pas universal, es un instrument de castig republican per reservar un tròç de tèrra per una casta al poder parisenc (exagòn), es pietat de veire que mantunes republicanistas ne fabrícan un projecte politic aital. Es antidemocratic. A Tolosa, en país tolzan, lo francés fabrica de l’assimilacionisme, pòt pas fabricar una autra causa, en republica o pas.

L’integracion se farà ambe l’occitan, en tèrra de civilizacion occitana (que podrà tanben evoluar totparier, coma zo faguèt al fial dels sègles sense n’avizar París), alara i aurà mens de problèma de FN dins la societat occitana.

Quora los Occitans e las Occitanas de Bearn fan un esfòrç de bilingüisme, cal que fosquèssen  militants e militantas... E los autres militants del nationalisme d'expansion parisenca en Occitanània (en Bearn donc), quines son los lors esfòrçes per fin que fosquèsse pas de considerar coma la lenga del musèu ?

AFFICHE HESTEJADA 2011 .1affiche bearnaise HESTEJADA AUSSALESA

Los Occitans e las Occitanas faràn sempre d’esfòrçes per integrar la pensada politica francesa, mas dinca quin punt de rompadura ? Dincal moment que seràn assimilats…

dimarts, de juny 21, 2011

Donosti : s’espèra una frasa sentenciosa e socialista, d’en Michel Vauzelle sul tèma…

Unes tempses far, lo conselh municipal de Barcelona a interdich las corrídas dins la ciutat catalana de Barcelona. Michel Vauselle èra estat entrevistat pel lòbi corrída dels mèdias parisencs (France Info) per regretar a fin d’una «tradicion», segurament qu’èra mal informat de las tradicions catalanas, el qu’es desinformat de las tradicions provençalas pel colectiéu prouvençaou.

Unes temps far, serà lo Parlament de Catalonha que votarà contra las corrídas espanhòlas, aquelas que mátan los buòus en plaça que díson arènas.

Las arènas de Tolosa, justament, èran estadas bastidas per un borgés qu’a importat la corrída espanhòla per son temps de léser e per servar sas costumas d’oltra-Pirinèus, un plaser de borgés se bolega pas aital malgrat la dictatura castilhana (los qu’an moneda coma la familha DSK per exemple). Aital importèt lo verin en Occitània en bastissent las arènas, contra las corsas landesas e camarguesas, contra un biais occitan de viure ambe lo bestiar, al campèstre en simbiòsi. Se debanava al XIXen sègle. Es estat la primièra migracion espanhòla en Occitània, un primièr malastre. La segonda e la tresena donarà de bons e de maissant…

Uèi es l’esquèrra Bildu, la reala esquèrra, qu’a près lo poder a Donosti. Se debana dins l’Espanha dels imperialistas franceses, republicanistas e dins l’Espanha del PP-PSOE-PSEE… Dins l’Espanha que Alain Juppé explicava a prepaus del partit pòst-franquista, lo Partido Popular, èra Juan-Maria Aznar a l’epòca, l’amic dels Bush, «le PP est un modèle pour l’UMP». Segon The Economist es pas gaire lo cas ambe Rajoy al cap del PP, e çaquelà The Economist es pas un jornal d’extrèma esquèrra...

Uèi en Euskadi l’esquèrra umanista es tornada, enfin. Enfin, car lo Conselh Constitucional espanhòla, es de dire madrilenc (majoritariament PP e PSOE), aviá refuzat fins ara la preséncia d’un partit pacific e d’esquèrra nacionalista basca en Euskadi. Aquò èra la democracia que l’Euròpa a pas jamai capitat de castigar un sol còp.

Bildu neteja Donosti

Dins aqueste article se nòta lo tipe d’activitat comerciala qu’es la Corrída espanhòla, es una activitat ajudada per las subvencions publicas (abans èra pel franquisme, uèi ai la pretencion de pensar qu’es la cultura de l’aver, aver ma subvencion per ajudar una casta d’aver sa cultura servida coma al restaurant, o per aver la cambra d’òtel plan netejada per la femme de ménage), e tanben per las multinacionalas de las bièras, multinacionalas qu’an matat la fabricacion de bièras artesanalas e la distribucion de vin, e sa civilizacion coërenta e pacifica.

Lo Parti Socialiste (français) arriba al poder en Bearn, e plaça d’ajudas a l'IBG, al cap de l'IGB, un ancian conselhièr regional del FN, un «grand poèta» que díson ; lo FN a sempre votat contra la lenga occitana e sos budgectes, pertot ont èra installat politicament; se cal recordar que l’IGB es estada una maquina de guèrra contra l’occitanisme (contra l’Institut Occitan de Vilhèra, e contra los panèus en Bearn ambe unes militants d’extrèma-dreita que davalan de Bordèu per tagar las creacions artisticas e panar los panèus en occitan), ajudat pel FN e pels socialistas de Bearn, els i vesèron una maquina de François Bayrou, Force Aquitaine-MoDem. Michel Vauzelle en Provènça ajuda los provincialistas del Colectiéu Prouvençau, pròches del FN e de la Ligue du Sud. La fotografia es polida donc... Lo socialisme en Euròpa es de pòst-franquisme (corrída e lenga unica dins un Estat, vòt en junh 1992 pel francés unic). Lo jornal LaLibreBelgique titolava «le socialisme wallon est-il conservateur ?», bona question belga (veire un bilhet precedent).

A desfaut d’aver un programa pels pòbles de França, una volontat d’agir cocretament pels pòbles e non pas per una casta qu’a capitat d’arribar al cap del partit dich socialista, partidocracia de las elitas sortidas de sciences-po, los socialistas en Euròpa an agut un programa fins ara per damorar al poder, coma en Boca de Ròse per exemple (ont se vei tròp), per finançar las activitats diversas e variadas ligadas o pas a l’activitat militanta. Uèi es la crisi, se pòt pus amagar. Los socialistas faràn una politica dels pòbles de fRANÇA un jorn ?

-°-

colonna f.B crida a la manifestacion

Las vaquetas bearnesas las estimi vivas, e alèrtas. Jo qu’estimi los socialistas quand son pacifics e umanistas… Qu’ac son pas tots.

Biarncagadors berlusconiansmitterand_ane

-°-

affiche bearnaise HESTEJADA AUSSALESA

Ambe mens d’occitan, mas una vision ecologista de la vida … Las Salinadas.

salinades

dilluns, de juny 20, 2011

Francés de dimension variadoira

Francés a miníma quora cal far un esfòrç per aprendre un pauc d’occitan, e far foncionar los neurònes ligat al sistèma d’apreneson lingüistica, e a maxíma per demandar als locutors o las locutriças d’occitan de far l’esfòrç que vòlon pas far (ante).

tic tac

Aquel dessenh me farà pensar als Franceses qu'an mestièr d'una traduccion sistematica, a la carga del locutor occitan, per çò qu'es pas de lor lenga sanctificada e religiosament republicana... alara que, per simplicitat del luòc del vèrb, podèm jà un pauc comprendre, o assajar de comprendre.

Lo dessenh es del jornal LaLibreBelgique per se trufar dels personatges d’aqueste planèta qu’an problèmas lingüistics, escalèra de mendra importança e que vòlon ni pujar, ni davalar de lor pròpria volontat. Es l’expression d’un nacionalisme lingüistic, costumièr en çò de la populacion francesa, a bèla escala.

recuperar l'istòriaaffiche bearnaise HESTEJADA AUSSALESA

diumenge, de juny 19, 2011

Brussels : las etapas d’una anglicizacion europenca

Dins mantunas enquèstas se podràn confirmar que l’arribada de las institucions europèas a Brussles aurà consequéncias sobre la francizacion de la ciutat, de la vida juridica, de la vida poltiica, de la vida economica, sonque dins un primièr temps (que d’unes díson urós, los francofonistas).

Las pròbas son donadas, dins un article, recentament establidas per mantunas enquèstas publicadas per La Libre Belgique divendres passat.

Brussels francesa

M’èri sempre demandat de qu’èran aquestas demandas acceptadas per la numerologia identitària republicana francesa, la responsa es donada per la pròba de Brussels, Brussèllas en occitan. Lo sobtítol de la fòto es «Las placas d’immatriculacion, una aisina estatisdica revelatriça», e podrèm ajustar, una aisian politica per saber de l’emplec de las lengas; las immatriculacions ambe los numèros dels departaments (en França) es una manièra d’aver estadisticas localizadas dins un Estat francés que practica la neteja etnica francesa, es confirmar lo projecte politic francés de netejament identitari francés.

A Brussels, la pròba es donada que pas mai de 7 % dels ciutadans de la vila se díson de lenga neerlandesa e d’identitat flamanda, zo sabèm gràcia a la placa d’immatriculacions, la novèla presentacion.

De mai, se podrà alara pensar que lo percentatge de francofònes es aumentant dinca arribar a 93 % ; e bè, sí, mas siam pas assegurats d’aver sonque francofònes, car mai que tot, los Anglofònes se reconeisson dins lo sistèma francés de dominacion lingüistica en país neerlandés…

Vesèm qu’i a una solidaritat entre las lengas imperialistas, e sobretot los locutors anglofònes de l’Union Europèa, contra las lengas consideradas coma de mendre emplec o mendra utilitat. Se podrà alara fabricar de politica de la diversitat lingüistica, utòpia, se las practicas son aquelas de la destruccion lingüistica dins lo foncionariat europèu ; aurèm sempre problèmas lingüistics; es clarament un problèma d’educacion dins las zònas europèas de lengas imperialistas.

Lo recrutament europèu se farà jamai sense que l’anglés fosquèsse pas prioritat dels sabers lingüistics, aital un locutor germano-italian serà jamai recrutat… quitament se coneis lo rus e lo catalan e lo francés… Lo modèl anglés unic es lo modèl lingüistic francés per un sistèma juridic unic, l’Union Europèa. Podèm benlèu esperar que la Republica federala alemanda zo voldrà pas acceptar.

Aital podrèm melhor comprendre de quina manièra lo problèma neerlandés en Flandras es tanben un projecte politic que concernís totes los territòris de lengas amenaçadas, Occitània, Irlanda, Catalonha, Euskadi, Corsega, Bretanha, Alsàcia, Lorrena, Savòria, Martinica, Goadelopa, Guiana, Kanaki, Polinèsia, mas tanben totas las zònas de lengas mesprezadas en Itàlia, Alemanha federala, Espanha, Portugal, Romània, Polònia, Tchequiá, Slovènia, Slovàquia, Bulgària, Finlàndia, Estònia, Letònia, Lituània, Suèdia…

peter la gueule au nationalismepensa diferent pensa diversitat lingüistica

FRÊT-SNCF e Occitània, lo desamor sampitèrne

Lo FRÊT-SNCF se trufa d'Occitània... quora los elegits d'Occitània ne prendràn consciéncia ? Per astre, i a la mar, per l'activitat logistica entre Baiona (cap de l'Adorn, Oèst-Occitània) e Arles en Provènça (Occitània de l'Èst). Se trapa que lo ròtle màger dels Conselhs Regionals es estat donat sobre los pòrts, gràcia al govèrn central francés que destrusís las incompeténcias de l’Estat centralista tanben.

Image (6)

Per astre i a la mar, senon seriá encara camions per traversar Miègdia-Pirinèus. E aital alimentar lo discors pro-camion de l’UMP-NC local …

Se cal clarament questionar sobre la SNCF en Occitània, quí gausarà pausar la question d’una companhá publica de transpòrts pel ralh en Occitània, qual Conselh Regional gausarà pausar la question d’aquesta creacion d’una societat publica de real servici al pòble occitan, un real servici public per Occitània ; quí ?

E soi segur qu’i a potencials importants de transpòrts a travèrs Occitània, a travèrs Itàlia-Peimont e Occitània, puèi Catalonha, Aragon, Navarra-Nafarroa, Euskadi.

Complement d’informacion locala :

Image (7)

Document ENBATA, indispensable setmanari basco de lenga francesa.

-°-

Notatz sobre la vòstra agènda :

fèsta

Totes los concèrts son a gratís, al còr sud d’Occitània. La primièra fèsta occitana institucionala foguèt un exemple per mantunas autras en Lengadòc e endacòm mai. Serà en directe sobre Ràdio Lengadòc Montpelhièr, e i a pas melhor per entendre l’occitan a l’antena.

dissabte, de juny 18, 2011

Òbras sobre la linha de tren cap a Fois, e l’occitan ?

L’argument de las òbras per desvolopar una politica de visibilitat de l’occitan me sembla una bona idèa, sobretot qu’aiçò pòt dintrar aisidament dins lo budgecte –pron bèl- de las òbras

espèr

S'espèra las politicas d'afichatge de l'occitan dins los TER de las regions qu'i a elegits del Partit Occitan : Aquitània, Miègdia-Pirinèus, Auvernha, Provènça, pel mens ... E soi segur qu'a mièg mandat i a agut un fum d'estacions de tren que son estada renovelada e que l'installacion dels panèus en occitan auriá res costat.

Se podrà sempre dire : se pòt somiar, per aver la publicitat de la region, suls panèus de la region, en lenga occitana per informar los novèls servicis del TER…

Es que cal melhor informar los decideires e los elegits regionals sobr el’interès de l’occitan ? … Qun projecte psiquologic se cal desvolopar per acarar un per un, per los convéncer ?

Se nos manda una enquèstas lingüisticas que nos explícan que mai de 60 % de la populacion enquestada, segon la nocion estadistica dels quòtas, on indicat que pensàvian que caliá far unes  esfòrçes per sa preséncia publica de la lenga.

Es exactament lo meteis discors que los militants occitnaistas, dempuèi annadas, explícan al personal politic de la decentralizacion en Occitània : cal far mai d’esfòrçes ; la resulta es que son sempre atanben barrats sul subjecte, atanben maladreit per desvolopar una politica, e quitament l’eleccion d’elegits mai concernits càmbia gaire.

Alara, se nos explica, vaquí mantunas annadas, que la faiçon dels militants èra pas la bona ; los militants l’an acceptat, se càlan lo mai sovent que de costuma, e considèran que val melhor encaissar las subvencions de la politica culturala, aquel de la cultura de l’aver...

Ara, se cal donc questionar sobre l’eficacetat dels cargats de mission ; Son davalats (forçat o demandat que politicament zo caliá) dels lors burèus culturals per anar veire a la basa de l’administracion dels Conselhs Regionals ? Pensi que non. Perqué ? Perqué lo lor cap de servici frena sul subjecte. Perqué la persona causida es pas venguda del monde normal (fòra las formacions en letras, Tolosa Miralh, o Bordèu III Montesquieu, o Montpelhièr III) e pòt atanben aver pauc d’experiéncia de terrenh, per anar argumentar sul terrenh (ferrat) (aquel trabalh zo damándan als elegits que l’acceptan, vaquí l’error, mas es pas la sola).

Se fau atanben demandar quina causida dels DRH per postular a-n aquel tipe de pòste, desvolopaire de projectes lingüistics. las letras occitanas son benlèu pas lo bon endreit per desvolopar mantunes projectes culturals e lingüistics ex nihílo, ambe belcòp de frens ontologics al sistèma e mai o mens acceptat pel sistèma politic).

I a belcòp d’òbras sobre totas las linhas SNCF de la region Miègdia-Pirinèus, ara, pagadas pel Conselh Regional, quantes panèus en occitan seràn installats al moment de las inauguracions ? Quantes sègles caldrà esperar per aver l’occitan present ? (alara que la SNCF e RFF se trúfan dels elegits a-n aqueste prepaus, e los elegits se càlan, e notadament per finançar –fòrt car- la LGV).

-°-

Nos cal felicitar d’un panèu de mai :

Mèsa inauguracion

e benlèu dos de mai dins l’Erault, sense inauguracion, domatge.

Bosigas

divendres, de juny 17, 2011

L’indignacion “Plaza de Cataluña” es pas bric catalana

Sul site de Là-Bas si j’y suis, la fauta de denominacion donava la realitat dels indignats de Barcelone : «plaza de catalunya» qu’an escrich. Çò que lor valguèt un pichon corrièl diplomatic personal. E sabi pas los cambiaments que faguèron perqué i soi pas tornat sul site.

Es al mens la pròba que l’ignorança es fòrça implantada a París, quitament dins los mitans d’extrèma-esquèrra, Radio France (Là-bas si j’y suis) per exemple. Lo monde aquel devon pas aver las bonas clucas per poder gaitar los panèus qu’i son notadas letras coma Plaça de Catalunya, e non pas coma dels tempses del franquisme, Plaza de Cataluña. Las lengas dels impèris frenan a las comprenesons lingüisticas ?

E çaquelà dobti sempre, puèi ai agut en man un document escrich per Josep-Lluís Carod-Robira, ancian vice-president d’esquèrra de la Generalitat de Catalunya, quitament s’a abandonat Esquerra Republicana de Catalunya [ERC], sa paraula me sembla un bon uèlh per poder pesar sul tèma, una vision politica de las realitats.

Los indignats son un pilòt d’extremistas a Barcelona e … Tolosa o Montpelhièr, per destrusir segur, per ajudar l’extrèma-dreita d’arribar al poder, benlèu (coma la pròsa de Mèstre Jourdain, sábon pas que ne fan), mas ajuda pas a bastir una societat pacifica tal que la majoritat dels ciutadans e las ciutadanas l’expèran.

Aquò vòl pas dire çaquelà que lo ocntengut del devís es pas de prendre en compte… Aquò vòl pas dire tanpauc que lo personal politic que pòrta la critica es pas tanpauc de criticar… Mas cal pas tombar de carib en sillà.

Alara legissètz :

Indignació espanyola (1)Indignació espanyola (2)

Se mantunes sábon pas quina es la manipulacion que se farà dels Indignados de la Plaza de Cataluña, ièu cap de dobte, es la meteissa còlha que se manifesta a Tolosa contra lo mètro en occitan… L’extrèma esquèrra val pas melhor que l’extrèma dreita franquista. Es una populaicon politica que destrusís la diversitat de la visio ndels pòbles, sense cap de dobte. Aital Radio France jòga son ròtle de propaganda per destrusir la diversitat lingüistica, e de còps se servís dels Occitans (CGT espectacle o Festenal d’Uzeste) per poder aver una paraula prèp de las realitats dels pòbles de fRANÇA, illusion d’optica lingüistica.

La indignación es manipulación d’extremismes ambe d’extremistas que s’ignòran.

E quora escrivi aquò, soi pas devengut pro-PP, o pro-UMP-NC… non pas brica, mas al nivèl que cal de la protestacion politica.

Soi de mens en mens per manifestar, mas farai sempre una critica granda dels sistèmas bancaris qu’an arroinat lo país occitan e catalan, e l’Euròpa, mai tanben un fum de terçons del monde ; alara que cal far ? Una tresena via es possibla, mas cal pus de casta al poder, ni al nivèl politic, ni al nivèl bancari. De quina manièra, quora autres còps èran las guèrras que practicavan lo voide per poder renovelar las castas diregentas sense aver los descendents un aprèp l’autre al poder, nimai los qu’an agut l’escasença d’aver un amic dins lo sistèma per lor indicar la via d’educacion que cal prendre per poder damorar dins lo sistèma del poder (grandas escòlas o bonas filiaras universitàrias per exemple) …

Conformacion per un article dins Cronica.cat. « Lo  responsable de comunicacion del collectiu d'indignats durant lo blocatge del Parlament de dimècres es un conegut militant espanholista. Francisco Garrobo faguèt una candadura de Ciutadans (chevènementista o Mélenchonista espanhòl) e es estat tanben coordinador de l’UPyD. Tot aiçò plaça son la seuna opinion dins lo camp dels extremistas espanhòls en Catalonha.

dimecres, de juny 15, 2011

Montsegur : i anirai dissabte 18/06

Aquò farà 33 annadas que lo CAOC de Barcelona ajuda Arièja e Occitània per aver lo son fuòc de Sant-Joan, quasiment oficial. I aurà agut un fum de frens, de tot estilh…

aficha del CAOC Montsegur 2011

De Montsegur a la debuta, puèi de Montferrièr (perqué lo cònsol ancian èra engatjat en nacionalisme francés, e en reson politic pel poder jacobin, lo telefòne arabe dels republicans telefòna l’extrèma-dreita, e qu’aiçò èra incompadible aver una bona organizacion).

Uèi, a Montsegur lo cònsol e la comuna ne vòl de la fèsta e dels simbòls que pòrta viu e franc lo CAOC. Ara, Montsegur es tornada als poders occitans classics. Es una granda novèla que cal espandir al pus bèl.

Donc la messa occitana (per la bona novèla) i serà tanben, çò que podrà estonar vist lo luòc e lo fait qu’es l’integrisme catolic e vaticanesc qu’an cremat e condamnat las populacions dels Bons Cristians de Montsegur. Uèi es la Glèisa vaticanesc qu’a un pauc cambiat (Vatican II), malgrat tot çò que podèm aver coma inquietud ambe lo Vatican de uèi.

Mas la messa serà occitana, l’avesquat aurà fait progrès sul tèma, lo camin de Damasc z’an volgut prendre, ambe d’ajudas çaquelà. Es benlèu un exemple de seguir pels republicanistas e nacional-expansionistas franceses ? Car se la Glèisa catolica i es arribada a Montsegur-Foish-Pàmias, segur que zo podràn d’autres integrismes fabricats per la civilizacion de lenga francesa, lenga imperiala, la lenga monopolistica.

Bon, avètz comprès, anirai pas a la messa, es pas question de lenga çaquelà. La rason me l’a donat los aujòls de familha, e mon vilatge d’origina.

Anirai çaquelà perqué lo programa amerita tot lo vòstre interès :

17:00h Sortida dels ciutadans occitans e catalans de cap al vilatge

18:00h desfialat dels graulhèrs, tamborinaires e diables.

19:00h ora de la messa o del JT d’arte-tv (cal causir)

(podrèm segur trapar de qué minjar en vilatge, mas caldrà reservar… l’alberga es del minjar biò, li cal preparar las demanda. Reservatz pron d’ora)

Quora van tornar pujar es tanben un moment important, que cal pas mancar dins aquesta Val Pirinenca simbolica.

21:30h Al Prat dels Cremats, la fèsta debuta, ambe los fuòcs e las musicas de cada banda dels Pirinèus. Es una fèsta pirinenca… mas serà pas perqué es l’annadas dels Pirinèus, mas simplament perqué se fa coma cada annada.

Per organizar aiçò lo CAOC de Barcelona a mobilizat un fum d’entitats de tot escantilh (i fauta justa lo Conselh General d’Arièja e lo Conselh Regional de Miègdia-Pirinèus – serèm alara estonats els que ne vòlon dels Pirinèus…).

trens per Montsegur 2011

-°-

Canal du midi espectacle nocturneBen a Tolosa en mai 2011

E a Tolosa, sense cap elicòpter, lo Delegat de la Generalitat de Catalonha podrà arribar a l’Ostal d’Occitània.

concurrénciapicpològues en imatge