La politica francesa (majoritària, monopolistica en Occitània) es faita per d’actors (de còps teatrals, e jamai interdit per la Censura d’Estat) que nos podèm que regretar qu’aguèsse jamai tengut una entrepresa o jamai agut una idèa de la creacion d’entrepresas o del salariat privat, o quitament ajudat al finançament de tot aquò ; me sembla que caldriá exigir un estatgi en entrepresa per tota las candidaturas a las eleccions. La causa que sábon lo melhor far es empachar a totes los ciutadans-anas normals-anas d’èstre candidats a las eleccions, ambe lo sistèma de la partidocracia, ambe una linha clara politica, èstre d’accòrd ambe lo rei en plaça, o lo reiet local aquel designat per la decentralizacion.
La despartida aquesta es pas mai estupida qu’intallar Montpelhièr coma cap de la region Lengadòc-Rosselhon dins las annadas 1960 !
D’aquesta despartida, ai una autra idèa, per far foncionar lo debat : prenèm LA region Occitània e fasèm un sistèma bidepartamental per las causidas electoralas, mas tanben per aver de crear una politica federala occitana dins l’espaci tanben :
Las zònas sensiblas son :
1 / Iparralde o Pays Basque, es evident que cal estructurar politicament e administrativament aquesta zòna, e l’estructurar ambe los territòris politics al Sud (Euskadi e Nafarroa-Navarra).
2 / Pyrénées Orientales, o Catalunya-Nord, es evident tanben que cal estructurar politicament e administrativament per l’associar ambe l’estructura politica del Sud.
3 / Pensar que l’associacion de la Comtea de Niça ambe lo departament de Var, destrusirà enfin la frontièra virtuala, mas cal pas negar l’istòria, Niça aurà mestièr d’un real referèndum per la seuna autonomia per poder s’adaptar als territòris vesin de Piemont e de Ligúria
4 / los tres contra-exemple – Tolosa e Lemosin- o son per rasons diversas : - Lemosin per rason istorica e pels pèd demografic de Lemòtges sus lo territòri politic aquel ; – Tolosa, pel pès politic e sobretot economic de la vila dins lo futur del centenari qu’arriba (aeronautic e recèrca sul tèma)
5 / lo sièti del Parlament dèu cambiar cada annada e s’installar cada annada dins ciutats que vaquí la lista : Bordèu, Baiona, Pau, Tolosa, Lemòtges, Rodés, Clarmont, Aurlhac, Valènci, Avinhon, Nimes, Montpelhièr, Narbona, Perpinhan-Perpinyà, Tolosan, Marselha o Ais, gap, Niça.
6 / las zònas de causidas dels representants al Parlament devon èstre clarament d’equivaléncia en populacion e tot cambiament dèu èstre accordat per la majoritat del 80 % dins lo Parlament. Son zònas qu’ai poscut indicar virtualament sus la mapa.
7 / Lo Parlament, lo govèrn federal occitan, e los contra-poders auràn d’èstre ligat a las institucions europèas, e plan segur ambe totes los vesins, nòrd, Sud-Ouest (Euskadi, Nafarroa-Navarra, Aragon, Espanha, Catalonha), Sud (Corsega e Isclas Balears), Èst (Lyonés, Savòia, Piemont, Ligúria).
Lo meu imaginari es grand, mas aquò dèu èstre volgut (democracia, sindicats e partits, e associacions de ciutadans-anas) se volèm realament una reforma de l’Estat francés que nos escana dempuèi sègles e sègles.
Exemple de reforma territoriala, Reialme-unit.
E en Bretanha, es l’UDB que pensa reformar tanben, “region granda = region fòrta”, qu’escrívon :
Per èstre prèp de la pensada del rei-president ?
L’Estat francés es lo problèma per la democracia.
Cap comentari:
Publica un comentari a l'entrada