arcuèlh

dijous, d’octubre 29, 2015

Montpelhièr, sortir per manifestar, o fasèm pas pron sovent

L'occitanisme es un pauc coma las flors del desert d'Atacama, quand la manifestacion se farlabica (podèm dire aital vist qu'es complicat de ne discutir ambe lo sistèma administratiu francés de gestion d'una vila), ne farlabicar a la davalada, pòt portar flor coma dins lo desert de l'Atacama.
Atacama: que nàissen flors a cada davalada .... Montpelhièr que nàissen manifestacions pas pron sovent per l'occitan. Cal èstre optimista, mas çò de vertat es que Montpelhièr manifestava pas, avèm vist una vila comerçanta en arribar, mas sul fial de la manifestacion res de res. O cal plan dire lo «rassemblement» coma indica lo setmanièr local, èra qué justament ? Una manifestacion o un «rassemblement» ? De mai, perqué los discorses dels elegits sonque per la premsa ? Perqué los discorses al final pas sus la plaça de la Comèdia pel grand public ? Aprèp d'unes repotegaires diràn que cal «faire grand public», macarèl ! 
Jà ambe mantunas fòtos presas aquí o ailà, i a problèma per saber (m'agrada las talveras), aplec o manifestacion :

[M'auriá agradat de veire aquel signe de Montpelhièr oficializat ..... aquel jorn de fèsta de la lenga occitana, l'occitan per totes/as !]

Donc èra plan una manifestacion .... Alara perqué La Gazette escriu : 

D'accòrd, es un «aplec» qu'a demandat fòrça temps passat ambe lo politic que lor far entendre ... de quin manièra aquelas causas estranhas e occitanistas se debanavan a cada eleccions localas ?

E lo personal politic es vengut en fòrça, son en campanha electorala #Regionales2015 ; mas los discorses son pas al nivèl de las vièlhas esperanças e un particular inconegut o explica clarament, los manifestants son verds de colèra d'esperar aquela politica lingüistica (vist sus la TV dita del SUD e dins Le Parisien).
Aprèp la manifestacion de Tolosa, la redaccion centrala de Tolosa a plan comprès lo messatge e donc nos faguèron una portada : 
De la manifestacion se ne farà comptes ... per emplenar una linha de redaccion (lo contengut de Montpelhièr, pietadós). Podèm evidentament comptar lo nombre de manifestants ; Tolosa 30,000 (6 associacions per sosténer), Montpelhièr 12,000 (3 associacions) - l'implicacion de la vila èra similara; la populacion de Montpelhièr es puslèu pas estada tocada per la manifestacion, alara que totes los elements èran en plaça per capitar melhor qu'a Tolosa ; mas l'arquitectura de la vila, las òbras e lo sistèma comercial ajudèron pas, e tanben la fauta d'estranbòrd dels sants professors de l'universitat francesa en letra d'occitan local ; mas alavètz perqué pas far regularament una TRAM(VIA)MANIFESTACION ? E regularament per sensibilizar a la valor de la lenga occitana, valor politica, sociala e economica.

Mas jà lo jaç montpelhierenc parla de «rassemblement» (aplec) e de «défense» a la premsa ; me sembla pas bon. La premsa jacobina o aquela que tal mèstre Jourdain fa de pròsa sense saber, li agrada d'anar sus aquela via de la «défense» (veire lo bilhet precedent). De creire que los organizators an res après de la manifestacion precedenta ; cal positivar, Macarèl ! E pel grand public es essencial. De mai, vist la configuracion politica e urbanistica de la vila de Montpelhièr, caliá anar dinca la mar … la ronda prepausada èra pas sufisenta, caliá passar l'autorota que pòrta los Parisencs a la platja, o en Espanha (alara que van en Catalonha), la ronda seriá estada alara una pòrta duberta a la prochèna manifestacion de Marselha qu'es en fàcia, a travèrs la Mar.
Donc a Montpelhièr an de mal de saber çò qu'es una manifestacion e/o un aplec (es vertat que sembla que l'universitat mestreja mal la lenga), e çaquelà en Catalonha o podrián ensenhar melhor que l'occitanisme d'universitat ! Mas quitament aquí ai un dobte ... En me passejar fòra la manifestacion un dissabte maitin o dedins la manifestacion ai vist aiçò  :
( li caldrà portar bandièras catalanas independentistas, per contrapausar a las franquistas)
O encara a la taula d'un café a beure, un pauc, pendent que la manifestacion se passejava dins un endreit tranquille, cap mens d'intoxicacion de la populacion ambe l'occitan, Catalans del nòrd que bevon tranquillon a la plaça d'Espanha : 
M'a sempre agradat las talveras .... un detalh, a Vielha que recebon bravament mai de toristas «espanhòls» qu'a Montpelhièr, e çaquelà son tot pichonet mas OCCITANS e de vertat, jà díson pus "tapas" mas pinxo (an adaptat la grafia basca, sabi pas perqué ? la X pirinenca lor agrada melhor ?). Aqueles OCCITANS de l'interior (Tolosa, Montpelhièr o Bordèu) son sovent en retard d'una guèrra lingüistica en Espanha, en Euskal Herria, o Catalonha. A Vielha an pas un ofici de torisme que confond occitan, espanhòl e catalan !
Donc avètz remarcat qu'amai de l'occitan, a Montpelhièr i a de trabalh per melhor far saber l'ensemble latin (o non latin, basco).

I soi estat çaquelà, e incogníto e discretament, car èri pas aquí per la promocion del blòg, ni per far comèrci pel GRAND PUBLIC (e çaquelà parlèri ambe la populacion lo disssabte maitin!), ni per vendre un butletin de vòt, mas aquí per l'occitan e que l'organizacion fosquèsse leugièra, complicada, ortracizada, mal coberta per la premsa d'esquèrra, aquò m'en trufa ; un cap redactor de revista, vièlh occitanista e ancian president de l'IEO, explica lo dimarç al telefòne : «per l'occitan, i cal èstre totes/as» ; es vertat que la MarridaFe sense facultat m'a ajudat fòrça per me convéncer.

Ara, o cal plan demandar, perqué digun s'autodesigna per bastir lo drac aplegaire dels manifestants occitans, regulars e bi-annadièrs... Las fasèm al meteis temps a Niça e Bordèu, Clarmont e Nimes, Pau e Valenci, Marselha o Tolosa, Baiona o Cáurs, Agen o Albi, ont fasèm la següenta ? 

Un autre punt de vist sobre aquela manifestacion, aquel de Na Josiana Ubaud.

dimecres, d’octubre 28, 2015

Lo Sénat es contra, cal positivar

Lo Sénat a votat una volontat politica clara contra la dignitat per las lengas de fRança, es majoritariament de l'UMP-Les-Républicains, mas cal gaitar dins lo detalh.
Lo melhor argument Unióñ-Madrid-París-Les-Républcains es estat donat en matinada sus fRance Culture, per un deputat o senator de la Droma : « per la Carta es lo mot minoritària que me geina, perqué pas l'arab (?) donc es un document europèu dangierós per la coësion nacionala» (la nacion aquela es aquela de La Terreur de 1792).
Alara avèm los nom dels nacionalistas franceses que fan de la lenga de París lo sol instrument al monde per èstre democrata ; es ne ríson pas, son pas plegats de dire, o afortíscan sense regret, ni malèstre ! 
Cal notar qu'en 1992, es un Parlament grandament socialista qu'a votat l'article 2 de la constitucion, e qu'a enfangat la santa République française dins l'etnisme liçngüistic d'expansion. La democracia en fRança passa evidentament per un respecte de totas las lengas, sense aquò, NON i a la democracia.

E donc ai legit ambe interès lo comunicat del Partit Occitan sul tèma : 
E lo PNO, sempre un pauc en retard, pensa : 

Es evidentament lo moment de cridar a la democracia contra l'enemic de la democracia lingüistica en fRança. E la solucion es dins un programa politic que nos retorna lo dreit de crear leis adaptadas a Occitània, ont es marcat dins los programas (per los que i creson encara) ?

Lo pan banhat de Niça seriá autanplan bon qu'un Parlament Legislatiu en Occitània.

-°-

De l'utilitat del Sénat

I a una maissanta lenga evidentament occitanista que me fa saber que lo sénat (francés) còsta e donc que la supression del Sénat seriá utile pels comptes publics jacobins ; mas devon èstre grandas e maissantas lengas, separatistas segurament. E benlèu qu'an rason, per estauviar l'argent public, l'argent de totes/as (locutors occitans o pas) se cal separar del sénat francés ...
Imaginatz aquela soma (actualament inutile per la colletcivitat dita nacionala francesa), soma dedicada a la lenga occitana (utòpia ?), es mai o mens una realitat que podriá aital semblar a l'aplicacion de la lei 101 al Quebèc.
Donc avèm pel moment un sénat francés qu'es etnista, per aver votat l'article 2 de la constitucion qu'establís una ierarquia entre las lengas, coma un Adolf aviá installat una ierarquia umana en 1936, pels josius, gais, rròms, comunistas. Un sénat que pensa coma un deputat de la collaboracion jacobina e de la Droma que l'araba risca ambe la ratificacion de la Carta Europèa de las Lengas Regionalas e Minoritària, risca de lo far pujar.... Aquí lo bilhet se dèu encortejar, car i a long a dire !
Es un sénat qu'ajuda coma lo bipartisme PP-PS europèu a Estrasborg-Brussèllas, a destrusir la diversitat lingüistica e politica (veire bilhet precedent) en fRança.
Ligam www.vilaweb.cat
Lo tèxte prepausat es sense gaire d'interès o d'eficacetat immediata, mas es la pròva evidenta que l'egalitat republicana es clarament una destruccion de la diversitat umana, la version République française. Se caliá una pròva en sús !
Un amic m'a demandat d'escotar lo debat, li ai respondut que de verd, voliá pas damorar nègre de colèra. Per astre i a lo sénat per ajudar a se deslargar de als estupiditat legislativa francesa, etnista francesa, etnisme d'expansion ; car lo francés es utile a la constitucion coma lo curat a la pensada umanista ; o cal confirmar la lenga francesa es dintrada dins la constitucion sonque en 1992, per un vòt dels deputats socialistas-PRG-comunista e UDF-RPR... abans la santa e delicata puta de République française fasián sense l'article 2, mas tot èra escrit en francés.
Soi estat manifestar a Montpelhièr, ai reservat dins un òtel del grope ACCOR, tots los documents de reservacion per Internet èra TOTES en anglés : l'objectiu de l'article 2 èra la defensa del francés fàcia a l'anglés, capitada ? Non inutilitat del Parlament francés que sap pas se far aubedir ...Un gente jacobin es vengut m'explicar, dissabte sus l'esplanada, qu'es ma fauta se ACCOR parla anglés, car vòli promòure l'occitan, e «dividir fRança», pauc a pauc ambe aqueles discorses jacobins i van arribar del militants vist a Montpelhièr dincal sénat frnacés,  a fondar l'independentisme fòrt que fauta a Occitània.

La conclusion es simplassa,  se volèm -pòble occitan- aver una eficacetat legala, la cal pas francesa, cal coma pel Parlament de Navarra o pel Conselh del Comtat Venaissin, que votavan las leis dinca la traïson del 22 setembre 1792, cal tornar a la realitat democratica, votar las leis en Occitània.

L'independéncia es al cap del camin, es LA democracia

Lo Parlament de Sud-Tírol a anonciat que visitarà Catalonha, per ne saber mai sul procèssus independentista catalan ; es un procèssus pacific (o cal pas oblidar). Lo 13 de novembre une pichona delegacion catalana del (democrata) Parlament Catalan presentarà lo procèssus a l'Ostal d'Occitània, Tolosa ; perqué ? Perqué sèm los vesins (occitan) del nòrd, e els, los futurs vesins independents del sud ; nòstre sud, o son los Catalans de Lhèida, Tarragona, Girona-Figueres o Barcelona.
Contacte ligam https://t.co/7w1I4Un748
E al meteis moment lo bipartisme europèu s'anóncia per destrusir la diversitat politica europèa, e que la premsa francesa es muda. O farà una majoritat PS Europèu e PP Europèu .... Donc unes partits que vòlon pas la diversitat politica exprimida; coma se sona aquò ?
L'article del jornal catalan ARA explica anuèch totas las grandas consequéncias que son a arribar en Espanha ; lo blòg unionista del Parlament Catalan (PSOE, Ciudadanos e PP), aplegat en urgéncia al torn del candidat de Nicolas Sarkozy, refusa aquel democratic Parlament Catalan, Parlament unionista qu'es atanben per se regropar per afrontar l'onda politica que lo poder espanhòl fabrica ; la collaboracion espanhòla es en via (malgrat 30 annadas de perdudas en negociacions eternament esterilas ambe Madrid)... Mas contra la democracia que cal far ? Que cal far contra la democracia ? Lo Parlament PS Europèu e PP Europèu an la solucion ...
Al Parlament Europèu an trobat la solucion, destrusir la diversitat politica europèa ; es un dangerós modèl francés per la democracia, aquel es importat d'Alemanha al Parlament Europèu, e donc votat pel meteis grope parlamentari qu'a votat pel truand de la finança desficalizada, lo luxemborgés Junker.
La democracia es encara clarament designada, es pas aquelas dels Estats imperialistas europèus ; lo que ne dobte es de lor camp.
E quand se lor dona lo poder (çò qu'èra pas lo cas fins ara en Euròpa) avèm una dictatura partidocrata que nos arriba ; e la fin reala d'una representacion de TOTAS LAS POPULACIONS sul continent europèu.
Es lo camp PS Europèu (donc francés) e PP Europèu (o Les Républicains tanben) que pòrta aquel problèma democratic de la representacion dins los Parlaments Europèus o Conselhs Regionals, la fauta de bona representacion facilita: 1 / l'extremisme d'extrèma-dreita (ambe l'abstencion), o d'extrèma-esquèrra, donc los afrontaments politics que seràn de mens en mens pacifics 2 / la creissença dels independentismes que vòlon pauc a pauc sortir de l'Union Europèa (volontariament o pas).
Lo Sud-Tírol a un Parlament (es una region al nòrd d'Itàlia), e que fan los elegits en campanha electorala regionalista francesa dins la region al nòrd de Catalonha (Principat de Catalonha) per s'exprimir sul tèma ?

dimarts, d’octubre 27, 2015

La diga dels oligarcs franceses en Provença

Cada vagada qu'un «putanh de ciutadan» vòl fargar una installacion un pauc especiala en terrenh de conservacion del patrimòni (ostal, garatge, finèstra, etc. o pòrt en pichona mar interiora), cada vagada l'administracion francesa es contra, de còps amb rasons, d'autres mens. 
En Provença tot sempre èstre dins la construccion, resulta avèm catastròfa dita climatica... e los parcatges sosterrans semblan a cementèris, o son tombèus d'aire liure que l'aïga es pauc clara, e segur pas blava. I a una peticion sul net que demandar que cadun protestèsse per aquela politica francesa del tot beton.
Anuèch, vos paralarai d'un article que cal completar, de quina manièra cal completar un article umoristic qu'es estat escrit en seguir la premsa locala de Provença, per exemple aquel de France 3 Provence. L'article de France 3 Provence Alpes (un jorn sauràn emplegar tanben lo provençal) me faguèt pas rire, aquel del parisenc Le Canard Enchaîné si que me faguèt rire, mas èra pas vertadièrament pensat en Provença, nimai sus las tèrra d'Occitània.
La causa pòt semblar complicada mas quora l'occitan ajuda a l'umor, los guits se deuriá des-encadenar mai sovent !
Aital lo 21 d'octobre, lo guit parisenc nos infòrma fòra de PACA (localizacion de l'informacion, es lo trabalh de totes los mèdias parisencs en «province»), sus la destruccion del patrimòni natural provençal, destruccion orquestrada per las meteissas familhas politicas qu'an abandonat en Provença, l'establiment de leis en Provença, lo 22 de setembre de 1792.
Per l'umor universal tot i es : «principautat de Monte-Carla», lo «préfet pro-digue», «belle la jetée?» ... (per Niça se podriá escriure d'autres bilhets aital) e tot l'article es risolièr, o tristàs se l'informacion èra pas coneguda.
Per l'umor universal i cal çaquelà apondre las raiças de la toponimia de Provença, aquela de l'occitan (de Provença), senon es pas un umor universal, mas ecologista, o parisenc que se trufa de Provença (la bastidoira, aquela de la creissença dita economica) ; mas la redaccion parisenca, nimai la de France 3 Provence Alpes non ne sábon de la lenga del país ! E lo país se sona Occitània, aquela de l'Èst es aquí Provença.
Quand la discotèca de la còsta de la Mar Granda en Gasconha es lo «traouc», e lo pòrt de la familha oligarca en Provença es «lo traouquet», es pas mestièr d'indicar qu'es la mesma lenga ! Tot occitan normal sap çò qu'es un trauc, tot occitan normal de mai de 18 ans, sap tanben çò qu'es una discotèca que se dís trauc, e un trauquet quí non o sap en Provença o Lemosin de qu'es ? Totas las manièras de veire lo sèxe sábon çò qu'es un trauqueton ....
Donc lo futur pòrt blau de la familha Carla Bruni-Sarkozy es un trauquet ! O dís d'un autre biais, lo trauquet, que farà la destruccion del pargue de Provença, es lo trauquet de Carlita pels batèu de l'amic Bolloré ...e la SCI qu'a fait la demanda se sona SCI Bastide (amé un E coma «sèm en fRança», aquel espaci politic de l'oligarquia republicana que destrusís lo patrimòni dels Provençals !), l'occitan de provença i es pas oficial, mas la grafia francesa per la toponimia, si.

Podrèm confirmar alara que lo prefecte es utile per las bastidas jacobinas (ExpoBât basta !) dins los trauquets d'Occitània ; pro-plan non ?

De que la famosa Kulturé franco-italica ne pòt saber de la cultura toponimica locala, aquela dels trobadors ... e benlèu que dins aquel trauquet d'aïga de mar nòstra, lo pòrt ancian, subjecte de dorsier acceptat per l'administracion e lo prefecte, es estat destrusit justament perqué la mar es mai fòrta que lo trauquet, o la còsta que díson d'azul.

Bon alara avèm donc una familha d'immigrats ongaro-italica que bastís un trauquet, pòrt en baissa aïga de Miègterranèa, e que l'administracion ajuda a destrusir Occitània ; de qué ne cal pensar ? Occitània es una colonia vertadièra de las oligarquias europèas, plan ajudadas pels sistèma administratiu bonapartista e francés, non ?

divendres, d’octubre 23, 2015

"Promouvoir" o "défendre" la semantica bordèl !

I a pas jamai agut qu'un occitanista per m'indicar que val melhor emplegar promòure (promouvoir) que defendre (défendre) per l'associar a una politica lingüistica ; sembla que los organizators o sapiguèssen pas, nimai la premsa locala (que cal çaquelà felicitar per la portada aquela).
L'Académie française es lèsta per defendre lo francés de las invasions barbaras, de l'invasion dels Angleses que parlan Anglés, o de las multinacionalas que emplegan melhor la lenga de la borsa que la lenga del comuns academicians.
Mas tot occitan dèu saber la diferéncia entre PROMÒURE e DEFENDRE ; la pausicion d'aquel que parla es un pauc diferenta. L'occitan a pas mestièr d'èstre defendut, mas promòugut, segur. Per defendre es un vision guerrièra de l'afar acarat al francés constitucional (sonque dempuèi 1992) ; per defendre lo francés dins l'administracion, los socialistas a introdusit l'article 2 de la constitucion republicana, aital an assegurat una etnicitat a la santa republica parisenca. Aquel article 2 es pas per promòure lo francés, car un jornal coma Le Monde que recep moneda per imprimir lo seu jacobinisme administratiu, publicava a l'epòca quatre paginas en anglés ! L'interdiccion administrativa de l'occitan arriba sonque dempuèi 1992... Es un acte de defensa fàcia « a l'anglés» que nos deviá èstre imposat pels tractats europèus ; çò que sabèm çaquelà es qu'aquel article es estat emplegat per d'associacion nacionlsita francesa per interdire subvencions a associacion bretona e occitana. Donc lo replegament francés passa per la defensa del francés.
La promocion es tot autre.... Avètz jà vist la politica del Quebèc (lei 101) per promòure l'emplec del francés dins la vida videnta dels Quebequeses ? Aquela lei es una lei de promocion politica del francés al Quebèc ; es la lei exemplar que cal demandar per l'occitan.

Per demandar una lei per l'occitan :
E la promocion de l'occitan, passa simplament per un ortografia dels noms d'endreits que respectèsse la grafia oficiala de la lenga occitana, quand serà oficiala ; çò que cal aver per promòure dignament una lenga. La defensa passa sens que per violéncia d'Estat.
Car manifestar per l'occitan es pas simplament per aver l'occitan ensenhat generalizat per TOTES e TOTAS, mas es per una visibilitat publica de la lenga, donc una ortografia digna de totes los panèus d'Occitània.
La novèla region aurà aital pus mestièr de sortir sonque las doás bandièras per las grandas occasions politicas ; seràn bandièra de la novèla region Sud-Occitània, e donc pus mestièr de cercar una despensa de mai pel lògo de la region novèla, es trobat :

dimecres, d’octubre 21, 2015

Dels comunicats recebuts de qué ne podèm pensar ?

A la fin de la setmana, i a una manifestacion per la lenga occitana, e recebi comunicats dels occitanistas per i anar manifestar (es normal, e ne recebi fòrças - aquò donarà una granda manifestacion) ; aquò sembla normal. Ai seleccionat aquel : 
Ai pas res recebut dels amics de Montpelhièr, dels «citoyens du midi», ni del FN que certans occitanistas vòlon veire arribar al poder dins la region (article d'en Jacme Taupiac dins La Setmana), o dels parachutats dels ministèris parisencs (PSf-PRG, o UDI-UMP, Unióñ Madrid París o Les Républicains), dels amics de las ecologias de totas las colors que se vòlon democratas, ni dels partits (levat lo POC) que fan aligança ambe EELV.... dins un «projecte comun» que l'es bravament mens en Aquitània (la novèla granda region electorala de l'Oèst d'Occitània).
E s'espèra un comunicat del super sapient grope autoproclamat unic partenari del govèrn en plaça (s'es d'esquèrra, plan segur, e bravament parisenc, car son jacobins), aquel grope autoselecciona los professors de l'universitat francesa en letras occitanas (es la garantia de la mestreja politica dels contenguts dels corses, e sobretot d'ensenhar pas coma acarar la repression lingüistica francesa sul terrenh), aquel gropeton de Montpelhièr que la santa MarridaJoana, «era concepcion de las letras medievalas non merdicas», ne fabrica l'orquestracion politica pel compte del Front de Gauche o lo Parti Communiste. Un jorn l'universitat francesa de letras se despertarà per la far calar ? Donc, quand fasètz allegéncia o vassalatge a las loras «bonas» pensadas estalinianas, vos desíran plan coma partenari per discutar, senon ...anatz-vos far fotre ! Per tot dire, son, tot, levat professors democratas. E vos cridaràn que son democratas, la faciada, mas que discutaràn pas ambe la critica, pas jamai. Anavi oblidar se díson autoproclamat antinacionalista, alara qu'o son, nonmàs qu'expansionistas e franceses, mas se sábon pas jamai gaitar dins un miralh social e politica.
E donc malgrat tot, e perqué totes los ciutadans democratas son esperats per defendre o promòure l'occitan, s'esperava un comunicat sus aquela manifestacion, en donar un punt de vista original, estalinian (la paradòxa) mas original (enfin). Mas enluòc d'aiçò, avèm agut aquel comunicat politic de mèrda, o allergista e d'alencada politica ; enluòc avèm ...:
Aquel clubeton, engabiat coma en preson de Besièrs, comunica per las «langues de France» ; aqueles fan donc un club estalinian de la pensada politica francesa, e sobretot pro jacobina, en Occitània (e d'unes lor dónan encara una paraula sul emponts politics occitans (perqué ?) ; es un clubeton que se podrà legir la pròsa per assegurar que la pròsa lora es utila per crear pòstes afidats en politica lora, per èstre professors d'universitat de letras dins las universitats  francesas «du midi». Son indispensables per donar diplòmas per la licéncia d'occitan, o santificacion d'èstre del bòrd politic que cal (dins los bastiments de l'universitat o per correspondéncia), donc lo sentit critic (en sentit filosofic) dels estudiants de la filiara es jamai sus aquel tèma... o cal pas senon auràn pas lo diplòma d'Estat. Alara, un jorn vos demandarà d'èstre solidaris, de pregar que lor barra pas la filiara, alara aurai una sola responsa : vos anatz fotre endacòm !

La causa es dita, ara cal anar manifestar, perqué al mens aqueles «faux-culs» franchimands, o botiflers occitans i seràn pas !  
Ieu me pausi la question : coma los ecologistas an farlabicat una lista dins la region Tolosa-Montpelhièr-Perpinyà per i installar tal tipe de militant politic, autanplan mediòcre per promòure l'occitan ?

dimarts, d’octubre 20, 2015

24 octobre, I cal anar o pas, manifestar a Montpelhièr

Farai de pròsa «ortopetica e merdica» (vièlhs qualificatius panats a grands locutors de l'occitanisme, enfin que lo jacobinisme daissa parlar fòrt), coma se dèu dins la lenga dels trobadors. Perqué dins aquela lenga «merdica e ortopedica» que pòt aver un esperit critic, ai paur de veire un jorn dels gulags jacobins e letrats per aver criticar un sector de l'occitanisme que trapi pro fosc, e pauc clar politicament.

Montpelhièr, es aquí que lo president de l'IEO de l'epòca, un Robèrt Lafont refusèt un ostal sul modèl Georges Frêche coma sièti particular e nacional a l'IEO ! La rason : « tròp modèrne» ! Es vertat que la pensada Georges Frêche per desvolopar Montpelhièr an sempre estonat l'occitanisme de Montpelhièr. Es vertat que l'estudi de la lenga vièlha es devengut una granda tradicion que fabrica professors qu'an pas bonas aisinas per ensenhar e convéner la populacion de dintrar dins las classas bilingüas, en massa, o dins una Calandreta (mas Calandreta a curat un pauc lo problèma amlbe lo centre de formacion de Besièrs).

Vaquí un mes ai agut una paur, non pas vóler anar a Montpelhièr (lo darrièr que m'a empachat d'i anar es lo meu putanièr de notari a Carcassona, per la primièra), non pas vóler anar-s-i per entendre la FELCÒ e la pòrta-paraula escupir sus l'occitanisme, lo meu donc (lo qu'a fabricat sense ajuda l'occitanisme de las universitats, çaquelà - Marcèu Esquieu me ne parlèt sovent, e sembla tradicion occitana longassa) ; m'agrada pas de venir sosténer aquel tipe de personal que pensa politica comunista (o tota autra etiqueta politica francesa) abans de pensar a la lenga occitana.

Puèi ai après la granda novèla la FELCÒ Montpelhièr, per in-amistat ambe un organizador Federacion de las Calandretas, participarà pas a la manifestacion ; los autres professors de las autras regions i seràn quitament se son de la FELCÒ tanben, es plan lo discors ipocrita dels professors d'universitat de Montpelhièr qu'es problematic. Lo jacobinisme mata l'ensenhament digne de l'occitan a Montpelhièr, e per contagion, totas las universitats francesas en Occitània de Niça a Bordèu.

Autre problèma es lo tèma, recebut per sms « Manifestam pas per los occitanismes que, demai, s'aiman pas. Manifestam per la lenga, la cultura occitanas. Per recampar los simpatisents que son èlis lo nombre

O vòli plan creire ! Aquí avètz una leiçon de sciéncia politica pels estudiants de letras occitanas, aqueles que digun lor explica a l'universitat francesa l'associativisme modèrne occitan. I a mantunes occitanismes :
1 / aquel de la collaboracion ambe lo sistèma politic francés en Occitània, sempre la votz autoseleccionada dels professors d'universitat, per pauc que fasquèssen politica dins las aulas. Abans la revolucion francesa es l'autoseleccion naturala de las elitas qu'a matat lo sistèma politic. Per aquel occitanisme, sa sobrevivença serà unicament deguda a l'esperit decentralizador francés, e la moneda que portarà, l'OPLO per exemple.
2 / aquel de l'associativisme que dèu pregar a la subvencion e donc al sistèma politic francés que fabrica la gestion de la subvencionita en banh de la santa decentralizacion de 1982. Aquel crevarà lèu car la moneda publica serà lèu en manca, vist que lo sistèma francés li agrada melhor subvencionar lo nacionalisme lingüistic de color academica que non pas las associacions de «patois local»
3 / aquel occitanisme, mal format, qu'assaja de dubrir pòrtas que fRança vòl censurar gràcia al punt 1/ e 2/ ; e s'i a discutida possible entre 1/ e 2/ lo tresen es sistematicament elonhat de tot dialògue, e çaquelà a sistematicament portat las socializacions civicas de las lengas mesprezadas, e lo terratremol que far bolegar las asseguradas vias escolasticas.

Las tres qualitats (o gropes) deurián èstre ensenhadas als jornalistas franceses de la premsa provinciala, lor fauta corses en escòlas de jornalisme independent sul tèma.

Alara a Montpelhièr manifestarèm per quí ? Per los qu'aurà pòste public, en 1/, per los qu'auràn pòstes en CDD en 2/ o per aver una politica lingüistica per totes ?

Aquí pel S normal a Occitanisme.

Puèi quand lo ministèri nos explica, ambe un pòrta-votz plan occitanista (que manifesta sovent a Barcelona) - que l'independentisme catalan lor agrada pas e donc que nos o cal botar en sortina ; me sembla que justament lo conselh val animacion mai granda sul tèma ! E donc manifestacion de sosten politic a l'independentisme catalan coma ai vist en Bretanha, un país çaquelà ont i a una POLITICA LINGÜISTICA.



I a una politica lingüistica per trapar los mejans de crear una eficacetat lingüistica per la lenga bretona, e donc es natural qu'i aguèsse una demanda occitana per una politica lingüistica ; mas la caldrà pas donar als collaborators letrats de las universitats, car cada vagada qu'i a un projecte per desvolopar l'occitan (congrès occitano-català per exemple, son aquí per o mata dins l'uòu, o lei per l'occitan en Aran), ne son sistematicament contra ; exemple : la demanda politica d'ensenhament generalizat de l'occitan, sol mejan per ensenhar l'ignorança de tota la populacion sul tèma.



L'associativisme que salva l'occitan de non pas poder aver sa politica lingüistica, sobreviu per un artifici politic clar, lo sistèma politic francés non vòl èstre totalament franquista, li cal donar çaquelà una imatges positivas, quitament se son mediòcras.



E quora tot aquò es amagat pel sistèma associativista occitan, es simplament per non pas perdre la subvencion.



De dignitat per l'occitan ne cal, ambe lo sistèma qu'avèm sabi pas de quina manièra o podèm obténer, ni per las urnas, ni per la manifestacion, ni per las bombas, ni per la collaboracion exteriora, e encara mens quora los pòrta-paraulas de la politica en Occitània son pas capables de destriar AUTONOMIA e DECENTRALIZACION, CIUTADANETAT e NACIONALITAT, ADMINISTRACION e ASSOCIACION, MILITANT e EMPLEGAT d'ASSOCIACION, CAMPANHA ELECTORALA e RECERCA D'AJUDAS PER AVER SA SUBVENCION, OCCITAN e OCCITANISTA, SOCIAL e SOCIALISTA, PUBLIC e LA DEVESA, etc.



Mas caldrà manifestar ! E totes sus l'empont auràn pas dreit a la paraula, nimai èstre present dins l'organizacion per evitar rectorat e prefectura, dos endreits de pauc d'interès per l'autonomia occitana (levat que los occitans an de pagar per aiçò de la mediocritat administrativa francesa en Occitània), ni gaire ambe lo sistèma de la decentralizacion que de fiscalitat locala e de gestion lcoala ne vòl pas entendre a parlar, sobretot a París dins los luòcs de fabricacion de leis.

I serai en tota discrecion, per fintar la tenguda de la manifestacion e ne fabricar un resson INDEPENDENT.

-°-
 Radio Lenga d'Òc, serà la ràdio de la manifestacion.

dilluns, d’octubre 19, 2015

Felicitacions als dos valentasses tolzans !

Per èstre content e gente, soi content d'aver vist aquò : 
Mas concretament, vist lo trabalh de crear un programa matinal ambe los mejans qu'an (pauc), soi content e jà pensi que lo defí de tal qu'un CAPÈL bais (!) ameritat.
Content d'aver legit aquò : 
Bon ara, e coma aquel blòg es liure de redaccion ; o cal plan escriure, FAUTA DE MONEDA per non pas aver dos valentasses, mas vint coma una ràdio normala e parisenca !
E una difusion de 6h00 del maitin (al moment que lo grand Tolosa se «passeja» entre lo Grand Tolosa -50 km farà- e lo centre de las produccions aeronauticas) e las 12h00, per clavar la matinada, amai caldrà pensar tanben que lo dissabte e lo dimenge, Ràdio Occitània a mestièr d'èstre en lenga occitana tanben a las meteissas oras.
De quina manièra una granda aglomeracion tolzana se podrà finançar la libertat redaccionala e ene lenga occitana cada matin de la vida d'una lenga ? Me sembla qu'es urgent d'i pensar a la nautor de defí de las annadas futuras per la lenga occitana tractada dignament, coma aquelas matinadas.
Un budgecte de foncionament (pas l'estructura) per una ràdio es de 2.000.000 € / an, minímum ; s'espèra un budgecte de POLITICA LINGÜISTICA tolzana d'aquel nivèl naut per las ràdios que gausan emplegar l'occitan dignament, e pas sonque de las autoritats politicas del Grand Tolosa....
Lo document es estat distribuat dijòus passat dins totas las carrièras tolzanas. Publiqui aquel bilhet diluns maitin, per poder ajudar a la promocion del programa, que podètz escotar sul pic, diluns maitin.

E coma parli de ràdio, me podrètz escotar regularament i irregularament sus Ràdio Lenga d'Òc, a non còst (cal èstre gente, i a pas de politica per pagar la lenga occitana en difusion), al fial de la programacion.

De qué ne tirarèm de la lenga de fusta socialista ?

Per las eleccions de l'arrondissament de Vilanèva-d'Òlt, lo sistèma partidocrata socialista nos a explicat que caliá votar per el (dins totes los mèdias parisencs especialament davalat, e nos sarravan la man a sus totes los mercats), en clar «per non pas ajudar lo FN d'arribar al sièti de deputat francés»; conclusion es la dreita dita republicana, aquela que sosten lo pòst-franquisme del PP a Barcelona (e qu'o dèu pas saber!), aquela dreita aparatchik del republicanisme jacobin qu'es estada elegida.
E per Occitània, ara la situacion se multiplicarà, es una longa istòria del nacionalisme francés qu'a coma en Espanha donat naissença a clònes politics europèus de «race blanche».  Mas la fauta de quí per l'Estat francés ? Se cal recordar lo ministèri de l'interior d'un ... François Mitterrand que refusava un estatut d'autonomia a Argèria alara qu'èra «la république» que caliá salvar ! Balanç, i aguèt la guèrra d'Argèria e mantunes mòrts occitans (e una associacions d'ancians combatents), e la «diplomacia» francesa, e la dreita francesa, dins las negociacions a installat la dreita conservatriça e musulmana en Argèria ! Tot en enganar las «populations blanches et européennes» d'Argèria, mai tanben los qu'an pensat a la fòrça segura d'aquela puta de republica francesa. Aquel discors de defensa d'una ciutadanetat europèa especialament catolica e blanca tòrna ara dins granda potencialitat de ganhar.

Per tornar en Agenés, la causa es similara, l'extremisme francés i a sempre existit, 9 % coma minímum a Vilanuèva-d'Òlt ; mas ara lo lòbi agricòl del productivisme agenés a près lo camp de l'extremisme francés, de la fòrça que l'abstencion fa pujar), e se presenta ambe un certan succès, vist la desfaita dels autres, dins l'arrondissament de Vilanuèva-d'Òlt ; aital dins lo canton de Pena d'Agénés, Bòuvila e Laròca-Timbauç lo novèl descopatge socialista a ajudat la candidatura socialista ; la dreita dita liberala francesa a plan ajudat en presentar «un financièr», traduccion un emplegat del Crédit Agricole! Que podián far melhor per ajudar lo vòt FN del monde rural ? Bon mas lo candidat socialista es tanben un personatge plan conegut, lo perdent de las eleccions legilativas mediatizadas, e sobretot lo païsans transformator del País de Sèrras (de Valelhas a Pena d'Agenés), que li agrada las musicas e danças occitanas, amai de las tortièras e de sa fèsta annadièra. Donc avèm un locutor de la lenga occitana, e un supausat socialista militant per l'occitan. Se gausatz li podrètz parlar en occitan quora afica dins las comunas al torn de Pena d'Agenés, mas aquò frena aps non pas saber de qu'es una politica lingüistica.

Ara, arribat al Conselh General, vesèm la realitat, los panèus de la comuna de Laròca-Timbauç son tot plen nòus !


Aquí se trapa que l'administracion governa encara en Òlt-e-Garona la comanda dels panèus ; se lo politic èra estat eficaç, auriá a l'entrada del Conselh General, l'elegit socialista al Conselh General e socialista Bernard Barral auriá sul pic demandat panèus non-bilingües, mas en occitan e francés. Un Bernard Barral qu'a degut legir lo libre «La France Plurielle» escrit pels nègres Marcèu Esquieu e Cristian Rapin, mas coma l'autor qu'a signat que n'a retirat que lo dangièr d'un occitanisme digne, aital Christian Laurrissergues (dos còps e benlèu mai deputat socialista d'Agen) serà estat en Gironda lo castrador de l'occitanisme pendent d'annadas al Conselh General de Gironda.
Se trapa que lo mitan socialista d'Òlt-e-Garona es lo mai aprosmat de l'occitanisme, aital podèm mesurar l'eficacetat del discors socialista occitanista dedins lo mitan dels elegits d'Òlt-e-Garona. Lo president actual del Conselh General es un amic estudiant d'un «desconegut» David Grosclaude ... conselhièr regional del POC.
I a l'occitanisme del passat, que, en situacion bravament mai complicada per l'occitan, an capitat de far meravilha (Marcèu Esquieu, Cristian Rapin), e i a l'occitanisme modèrne d'Òlt-e-Garona que capita, malgrat d'èstre mai nombroses, e melhor plaçat alprèp dels socialistas (car fòrça an la carta del PSf), de pas aver explicat als companhs militants del meteis partit soaiclista francés de qu'es una politica lingüistica e que se podrà pas resumir a donar subvencions als amics, a las associacions amigas.
Aital lo Kim Yung Song* de l'occitanisme d'Òlt-e-Garona que dona la meteò sus una radio locala, membre dels amics aprosmats del PSf e del burèu del POC, es sovent plan interessat per la Setmana Occitana, li dona plan de revengut per totas las animacions seriosas, el qu'es presents pertot e que los pichons occitanofònes d'Òlt-e-Garona se demandan perqué capita pas de lo veire mai sovent dins los AG de las associacions d'immersion escolara occitana (* ai pas trapat melhor per donar una idèa de la lista de las associacions occitanistas qu'i a agut una presidéncia, e que present èra, mas eficaç ?).
Aquel ACPA, EOE, IEO son clarament etiquetablas de manièra POLITICAMENT REMARCABLE al socialisme d'Òlt-e-Garona, perqué pas ! Mas los autres militants dels partits ageneses i son combatuts ... per i èstre dedins, ambe la famosa frasa : «cal pas far de politica», o puslèu cal pas criticar los socialistas jacobins ! O puslèu cal daissar los socialistas fa de mèrda : - la demesida dels inscripcions de l'EOE al fial de las annadas es clara, IEO qu'edita un libre departamental e que li cal 5 ans per 5 noms de vilatge «problematic» (cal dire que lo Kim Yung Song de l'occitanisme de l'Agenés, e membre del burèu del POC, es estat cònsol de Lacauçada, dos còps de seguida, e pas brica capable d'i botar lo mendre panèu en occitan !), o una ACPA qu'a combatut e qu'o far encara la volontat dels parents de Calandreta per assegurar una escòla per immersion lingüistica en Agenés (cal recordar que l'ACPA es susceptible de cantar en lenga de fusta, eh non, en lenga occitana) ; e segur que ne doblidi.
Lo Kim Yunh Song agenés (sense camps, encara qué...) es d'aquel que de politica ne vòl pas, mas es per protegir los seus amics socialistas, e o faguèt sempre tota sa vida ! Lo bois es una planta emplegat pels enterraments, los polits tombèls, aquel boissièra pòrta plan son nom.

Per astre i a d'autres tipes de boissièra en Agenés (quasiment tota la familha aquí), i a l'autre que fabrica un bon militant del POC, clar politicament e candidat dins son canton, sovent, e que bastís un musèu remarcable (de vertat), un mercat païsan sense equivalent en País de Sèrras, a Frespuèg (justament), mai qu'a capitat en estent cònsol adjunt d'aver un panèu en occitan pel «village remarcable» de Frespuèg, aquel qu'espèra un panèu d'orientacion en occitan a Laròca ! Li aurà calgut mai de 20 ans, segur res es aisit ; mas quora la boissièra de Gavaudun (a dauisat Lacauçada) s'en aucupan es encara mai long ; èra l'impression que Marcèu Esquieu m'aviá assajat d'explicar discretament car es complicat d'ajudar pas un amic... pro amic del PSf Agenés !

Vist de l'Agenés, las causas per l'occitanisme modèrne son pauc claras ; e del costat redator del Lugarn-PNO ... miladiu, es pas melhor e ne farai pas d'autras linhas serà tròp long, e benlèu maissant. L'un es pas per recuperar l'autre costat, pas brica.

Donc una fotografia d'aquel occitanisme fabrica una pietat politica, una indignitat per Occitània ; es per aiçò que cal manifestar a Montpelhièr ?

Benlèu pas els, pietat non, aquelas mediocritats de l'Agenés en occitanisme politic, mas la suspresa es venguda, non pas de l'occitanisme a Marmanda, non pas de l'ATPM, mas d'una eleccion dels non-socialistas a Marmanda ; lo panèu en occitan marron èra estat installat pel secretariat de la comuna (al moment socialista), abans 1982, installat per un patriòta còrse; segurament a la retirada ara, es lo novèl cònsol màger -es melhor- qu'a reprès la carga de la dignitat per la lenga occitana, e sembla que las causas avançan melhor e que l'occitanisme ... seguís en grand estonament ! Donc Marmanda dona la via de la dignitat politica, un cònsol escolarizat dins un occitanisme politic, causa refusada per l'ACPA-ATPA-EOE-IEO e las ràdiaos associativas localas, e a còp refusat tanben pels militants del POC e del PNO, per rasons d'amistats ... lo clientelisme debuta per l'amistat. Lo clientelisme fabrica pas una POLITICA LINGÜISTICA PER L'OCCITAN. Marmanda e los socialistas pòdon èstre notats coma 40 ans perduts per l'occitanisme, un cambiament real de cònsol e tot càmbia. E çaquelà los bilhets en occitan de Le Petit Bleu ne fasiá sempre la glòria, al calam tanben un militant socialista, qu'a perdut la carta aprèp 1985.

Donc la fotografia sancièra de l'Agénés, Fumel (occitanisme res de res), Vilanuèva-d'Òlt (mediòcre), Gavaudun (res i cal comptar), Barbasta (res), Miramont de Guiana (res), Pena d'Agenés (voide sancièr e malgrat l'escòla bilingüa), parier per Montsempron-Libòs, Vilareal, Tonens (res), Nerac (res), CastèthJelós (res), Miramont de Guiana, Duràs, Bòuvila (malgrat un istoric d'escòla d'Estat per immersion lingüistica, a l'amagat 5 ans), Tornon d'Agenés (res), Agen e aglomeracion (paure !), etc. Non en Òlt-e-Garona i a occitanisme revendicat pertot, e dins las quarante annadas passadas tanben, mas l'eficacetat de la visibilitat occitana es nullíssima, en Òlt-e-Garona avèm la pròva que la basa militanta de l'occitanisme es pas bona, mal formada, en defensa d'una politica lingüistica coma en politica nacionala occitana. L'occitanisme en Agenés sembla temps perdut!

Es per aquel occitanisme que cal anar manifestar a Montpelhièr dissabte ? Evitar lo rectorat e la prefectura, es una especialitat agenesa.... a Montpelhièr tanben ?
 -°-
Escotatz Ràdio Planèta Occitània, 100% musicas e cançons occitanas, e anatz sosténer Calandreta Jansemineta a Agen, pel moment ambe la politica de Marmanda, i vesi gaire causas que faràn bolegar melhor l'occitan en Agenés ; e anirètz a la manifestacion de Montpelhièr ?

divendres, d’octubre 16, 2015

Colèra contra la justícia dita francesa

La justícia .... francesa !
Donc sabiam la diferéncia entre la justícia pels militants-païsans FNSEA e los militants-sindicalistas Coordination Rurale o Confédération Paysanne. La FNSEA a assegurat una politica PAC de mèrda, e sobretot un servici aprèp-venda electoralista al PSf e a l'Unióñ París Madrid o Les Républicains. Per contra a la CGT, malgrat aver sostengut d'annadas e d'annadas lo suïcidi francés nuclear, lo sindicalisme CGT d'Air France trapa una diferéncia de classa (la basa marxista tòca encara) tanben : 
Es una pensada de classa sul modèl marxista, en foncion dels pòrtas-fuèlhas, serà jutjat diferentament ; o sabèm en Occitània, i a una placa dins una cort del capitòli qu'explica çaquelà qu'i a una diferéncia oblidada pels Parisencs de la CGT d'Air France... Mas i a una autra diferéncia que sembla pas èstre clara pels militants-sindicalistas de l'imperialisme jusridic francés, la diferéncia de pèl culturala e lingüistica. Car dins lo camp FN se sètz membre de la casta jacobina, francesa, de «race blanche» (de lenga matèrna catolica) o païsan sindicalista e candidat FN en Occitània, i aurà una diferéncia ! L'Occitan aurà de se presentar en justícia e de se levar d'ora (coma de costuma çaquelà) quand la polícia o vendrà cercar !

E çaquelà aurà pas las camèras de las televisions parisencas aquel jorn de presentacion publica al palatz de justícia agenés ! Aquel sindicalista de la Coordination Rurale interessa los mèdias parisencs sonque quora l'enjòc es parisenc, e las eleccions d'un aprèp-truand-fiscal socialista demissionari del govèrn.
Los mèdias parisencs fan de television regionalista d'expansion en difusion sus l'impèri republican francés ; 13TV -independentista espanhòla d'expansion numerica en Catalonha-, ela difusa un dissabte «de reflexion», dissabte abans lo 27S, abans un jorn que l'independentista votarà majoritariament per l'independéncia, 13TV difusa un programa de 4 oras en vrespada de dissabte sul tèma anti-independentista sense cap vergonha, nimai sense lo mendre castig de la justícia televisuala espanhòla.
Camèras pertot en Occitània mas pas de las TV parisencas, pas cap redaccion parisenca d'iTele (quitament del Petit Journal) o de BFMtv :
Bon, la colèra passada, en esperar d'aver justícia occitana, un real resson popular per la dignitat occitana e la bandièra estelada al modèl catalan, podrèm cridar al ministèri de la justícia, lor farà de ben, bona sentat politica a París de legir la vòstra pròsa «citoyenne», en francés o en occitan, aquela pròsa esperada de nacionalitat occitana e de ciutadanetat francesa. Bon agradarà pas al FN, mas sabèm pas encara çò que lo FN ne pensa, digun lor a demandat dedins l'occitanisme, ni ieu tanpauc !
Èra una pausa abans de tornar en Agenés, un país de mai en mai FN quora l'esquèrra ten pas las promessas e la dreita liberala prepausa candidat del Crèdit Abricòl, per una colèra suplementària ligada a la lenga occitana.
I cal creire que la République française es autanpan democratica que l'espanhòla del XXIen sègle.... 

-°-
Mas tot es possible un jorn, quitament en République française ... e sobretot quand París escota mai la violéncia bombica que la ciutadanetat ; las formacions juridicas dels ancians presonièrs politics còrses a las règlas de las justícias francesa ajuda.... Mas la lenga, es pas l'assegurança d'una justícia francesa per totes !

L'editorial catalan que crida a la demission de Nicolas Sarkozy

Aqueste maitin lo jornal catalan ARA publica un editorial ; aquel dona l'enveja de demandar la demission de Nicolas Sarkozy ; perqué ?
1 / Nicolas Sarkozy es estat sosténguer un «amic» Mariano Rajoy, membre governament madrilenc qu'a causit coma candidat García Albiol per las eleccions del 27S. Los vesèm en fòto lo tres amassa dins lo jornal espanhòla ABC : 

Lo candidat Albiol (en fòto sobre la portada de l'ABC, a l'esquèrra) a perdut las eleccions de Barcelona ; lo seu anti-independentisme es pas en fasa ambe los movements ciutadans e independentistas actuals de Catalonha, majoritòris.
Mas es pas tot, dins la campanha lo candidat Albiol a revelat lo seu racisme ontologic fàcia a l'immigracion en «España» de «raza», benlèu blanca car catolica (?).
2 / E legissèm amassa l'editorial de ARA : 
Aquel editorialista, qu'a seguit totes los eveniments en Catalonha dempuèi mai de dètz annadas e qu'escriu dins un jornal lo mai respectat d'Espanha, assegura que l'elegit PP Albiol confond democracia e dictatura ... Nicolas Sarkozy tanben ?
Aqueles parallelismes son jamai estats una rason d'un sol bilhet quitament dins la premsa d'esquèrra francesa, ni la de dreita o del FN (!), o quitament la libertària francesa, nimai dins aquela de la collaboracion jacobina en Occitània.
Donc vaquí un bilhet de demanda de demission de l'ancian president francés Nicolas Sarkozy, de la nautor pichoneta d'un ciutadan occitan que vòta en França e que respecta la democracia, en Occitània e en Catalonha.

Pruna : ma colèra que me purgís lo maitin

Òlt-e-Garona es lo país de naissença de la pruna, la pruna confida, que los Franchimands díson « pruneaux d'Agen », los Angleses, mai intelligents, díson plum (la pruna naturala, d'Ente) e prune aquela fabricada pels Occitans de l'Agenés, Oèst-Occitània que l'administracion francesa dís Aquitània. Es un país que me bota en colèra cada jorn, o quasiment, anuèch èra al supermercat tolzan en veire aquò : 
De qu'ai poscut veire que te bota en colèra. E ben, l'Òlt-e-Garona es fièr de sas tradicions agricòlas e sobretot d'aver desvolopat l'agricultura dita independenta de la quimia, o biologica, AB que díson dins l'administracion de la consomacion del mercat-Estat jacobin francés. E donc te donan portada de producte d'aquel biais enganhador ; de que i a que fabrica colèra ? Avètz pas trobat ?
Es una colèra d'un redactor de blòg qu'a passat mai de temps dins los camps (per pagar sos estudis, a amassar prunas) e las usinas de l'Agenés que segurament mantunes de los lectors que son aquí a me legir. E amai de formacion agricòla, longassa, e tanben grandament ligada al mitan agricòl agenés, de tot tipe de produccion e sindicalisme o coorporatisme.
Donc es una colèra ensenhada, quand se sap que los païsans de la Coordination Rurale an probat dempuèi annadas -en collaboracion ambe la Confederacion Païsana- que son interessats a desvolopar las produccions biologicas en Agenés, e pas simplament per rason de CA, qu'es important, mas pas sufisent. Alara coma lo lòbi FNSEA ajuda a non pas èstre condemnat, lo lòbi Coorodinacion Rurale, ni tanpauc aqueles de la Confederacion Païsana, ajuda pas a èstre castigat per la justícia francesa.
L'assalt de las camèras es gaire valent per aquela visita al palatz de justícia d'un candidat FN de las eleccions a Vilanèva d'Òlt e tanben sindicalista de la Coordination Rurale. La justícia francesa pròba que sap castigar, a París e dins l'entrepresa Air fRance, la CGT, la Coordination Rurale e la Confédération Paysanne, mas pas la FNSEA ! (los amics dels Les Républicains e dels socialistas -pas pertot çaquelà ! mas a París e Brussèlas).
Aqueles païsans que son pro ardits per far de fen de levada a la prefectura, o serà per castigar Carrefour per aver gausat deteriorar l'imatge de la pruna confida d'Agen ?
Es que ne pòdi dobtar ?
Las incoëréncia de l'Òlt-e-Garona son talament granda  e portaire de colèra que doman n'aurètz una autra colèra... ensenhada tanben, mas directament sus la lenga occitana, dins un recanton de l'Agenés, que lo monde agricòl i tòca tanben, tanben per las ancianas candidaturas electoralas, la comuna de Laròca Timbauç, que i fan pruna e que las fan confidas tanben. Lo país de las prunas confidas es un país nègre, coma la pruna confida, nègre per l'occitan tanben.