arcuèlh

dimecres, de març 16, 2016

"Languedoc-Pyrénées" encara una idèa de Montpelhièr !

Quand Montpelhièr èra capitala de la region Languedoc-Roussillon, lo Rossilhon lor agradava mas per lor panar las idèas de collòqui, facultats dins l'universitat o de fièra suls vins biologics ; e Perpinyà èra sempre lo dindon de la farce de Montpelhièr ; Nimes èra dins la meteissa situacion, Besièrs tanben, Nabona e Carcassona se calava tanben. 
Atanben lo Massís d'Auvernhe èra oblidat pel desvolopament economic, lo Gavaudan èra una region lunària per Montpelhièr. E los bobòs de Monpelhièr lor agradava la montanha per anar esquiar dins lo Pirinèus, donc i pensava ; mas quora la Cerdanha aviá mestièr d'un espital, èra l'Union Europèa qu'ajudava melhor que Montpelhièr.

Ara an una idèa novèla, un nom de region Languedoc-Pyrénées.
Donc fins finala Montpelhièr sembla pas aver corses de geografia a l'universitat, e perqué Pyrénées e non pas tanben Massif central coma díson los geografes jacobins de la quita universitat de Montpelhièr. Cal notar que lo Massís d'Auvernhe tòca dos departaments de la novèla region, Roergue (Avairon) e Gavaudan (Losèra), e un pauc lo país de Fijac (car país del Martin Malvy).
Donc fins finala Montpelhièr sembla pas aver corses de geografia istorica, tanpauc, nimai de lingüistica, car lo Lengadòc es ni lo Comtat de Fois, ni los Comtats de Corserans, Varossa, Bigòrra, aramanha, Lomanha, Carcin, ni la Catalonha engabiada pel tractat dels Pirinèus. La geografia de Montpelhièr sembla limitada a coma anar a la platja o a la montanha Pirinèus, o prendre lo TGV per anar importar idèas parisencas !

E vesi clarament l'estupiditat : se garda Languedoc dins Languedoc-Roussillon e se garda Pyrénées dins Midi-Pyrénées ; quand se sap coma los noms son estats imposats pel jacobinisme francés : se podrà pas dire que Montpelhièr es ennauçat en Bais-de-fRança per la «geniosa» idèa. E se nòta una idèa anticatalana de las grandas, pro-costumièras a Montpelhièr. E se vòlon cap de la novèla region ....

 "Languedoc-Pyrénées" encara una idèa estupida de Montpelhièr !

Jà unes internautas m'avízan que Montpelhièr infòrma la premsa jacobina, centralista e anti-region amb poder : 

Un jorn caldrà benlèu donar l'independéncia a Montpelhièr, al pus redusit del problèma, plan segur. L'istòria nos podrà ajudar. Cal tornar donar lo poder al Consulat de Montpelhièr l'espaci qu'ameritava abans 1330, e donc totas las turpituds electoralas ontologicas que li son ligadas ambe l'arribada del departament de l'Erault de la tresena republica d'aprèp mai 68 e del seu recent desvolopament en destrusir la Garriga, e la vida agresta al entorn de Magdalona. Montpelhièr es tot levat un modèl de desvolopament rasonat.
Ieu es clar, e l'ai dit mantunes còps, e escrit sus aquel blòg, soi per aver Occitània dins lo nom de la region, sense oblidar qu'es una granda partida d'Occitània granda, e sense oblidar que Catalonha (del nòrd) a coma capitala aquela de l'Euroregion, Perpinyà. E l'Euroregion ganha a èstre desvolopada, es lo futur d'aquel espaci europèu.
Donc soi per : 
 






















 -°-
La Convergence Démocratique de Catalogne perpinyà parla francés a la Gavachariá vesina, e milita aital contra Occitània... Interessant non ? E contra Perpinyà capitala de l'Euroregion, o un ròtle actiu dedins la region administrativa francesa donc ; sabi que son independentistas, mas la gestion d'ara del departament es un camin que serà long dins lo sistèma jacobin (o semblan oblidar), mai long que dins lo sistèma pòst-franquista de Madrid.