Dins mon barri, entre Bonhoure e Marengo, cada divendres maitin dins un espace redusit de la vila mondina, i a vidres d'automobils que son petadas de l'exterior dempuèi lo trepador. I a pas la mendra camèra e quand se prevendrà la polícia, es pron aucupada per constatar lo pichoneta delicte ; donc l'automatizacion de las tastas de polícia es pensada ont serà lo mai rentable -plan segur- ; es una pensada anuèch de la majoritat LR-UDI-MoDem en plaça, mas pas dins mon barri car las violéncias an pas un còst pron important per far bolegar las politicalhas de totas las colors.
Dins la rèsta de Tolosa, las camèras « intelligentas
» religadas a logicial concebuts per l'american IBM, van susvelhar
lo ciutadans, automobilistas dins l'ipercentre ciutat comtala, mai
benlèu mai ; La susvelhença d'estacionaments se farà en
tempses reals ; vist e moltat sul pic ; car l'important
coma l'explicava Sarkozy èra d'encaissar moneda per l'adminitracion,
per l'Estat central, aquí per l'administracion municipala. Aqueles
novèls mejans son installats per una filosofia Les Républicains,
modèl Nicolas Sarkozy o François Fillon ; se tracta de trobar un modèl economic per daissar
mai que la moneda pel foncionament de l'afar ; se parla alara de
« retour sur investissement » que lo calcul installa la camèra
dins l'endreit lo mai rendable de la vila, l'endreit qu'i a lo mai de
passatge donc de motlables, ciutadans que son supausats saber pagar las
moltas lo mai aviat possible e se calar. De saber, las moltas seràn de 17 a 35 €, per contravencion. Lo
còst del logicial d'aprèp La Dépêche du Midi es de 150.000
€ (quitament pas lo còst d'una botiga en vila) !...E benlèu las
start-up(s) ne podriá crear sense cap dobte a mens car a Labèja !...
En seguida de l'installacion, l'interès politic seriá de privatizar
l'afar, e aital Orwell dintrariá en vila non pas en 1984, mas en
2017 ; l'analisi dels comportaments se podriá far
automaticament, pas de carga salariala coma l'espèra los amics del
MEDEF...(la presa de temperatura a distança es estada inventat per un
laboratòri tolzan, benlèu que l'idèa es pas encara venguda a la
còlha Moudenc de l'adaptar e aital evitar la propagacion de malautiá en
vila ? )...
Pel moment sabèm pas la lista de las localizacion de las camèras, mas o faràn saber tre que serà possible de saber aquela localizacion de la susvelhença modèl Orwell-1984 de Tolosa. O fau saber ? Grenòble a vendut las camèras de susvelhença, per estauviar lo còst de la gestion e per ineficacetat en matièra de securitat publica.
Sèm en 2017, jà l'etemptat de Niça filmat per totas las camèras de la majoritat Estrosi de Niça (èra en julh 2016, sièis meses), l'atemptat de Niça es oblidat ; l'eficacetat de las camèras es nulla per contrar los atemptats, mas sèm en guèrra donc totas las estupiditats politicas son autorizadas, lo pòble occitan paga e se cala. Sèm sus la via de Donald Trump ...
Sèm en 2017, jà l'etemptat de Niça filmat per totas las camèras de la majoritat Estrosi de Niça (èra en julh 2016, sièis meses), l'atemptat de Niça es oblidat ; l'eficacetat de las camèras es nulla per contrar los atemptats, mas sèm en guèrra donc totas las estupiditats politicas son autorizadas, lo pòble occitan paga e se cala. Sèm sus la via de Donald Trump ...
Mas dins la vila comtala de Tolosa, los capitolièrs Les Républicains perseguisson l'afar per ajudar a l'arribada al poder de la securitat publica modèl FN. Sèm en 1936, Jacques Doriot fabrica lo PPF, Philippe P. èra pas encara a « salvar » fRança. Charles De Gaule n'èra qu'un jove loctenent que parlava de vièlhas pensadas sobre la manièra de gerir l'armada francesa.
Lo capitolièr Les Républicains, Olivier Arsac, es
en carga de la securitat, es, el, la clau de l'installacion del roman
d'Orwell en vila ramondina del XXIen sègle. Monsieur sécurité es encara en avança per
installar material que se podràn pivatizar e ajudar la politica del
FN d'èstre una realitat abans que Marine Le Pen arribèsse a la
presidéncia a la prima venenta ; son trumpistas e avangardistas Les Républicains ; se sembla que quand los
dreits d'autors de l'industria del cinèma son tocats lo politic
jacobin sap protestar, quand es lo dreit dels ciutadans, son mens
aluzerpits ; i aguèt ges consultacion dels abitants, puèi s'i
aviá consultacion dins quin endreit se podriá liurament discutir, i
auriá camèra per arquivar los debats ? La question dels dreits
fondamentals dels ciutadans es clarament pausada per aquela societat
politica que respecta pas l'etica en politica mas que carga la
populacion de la taca de totes los problèmas qu'an creat, els, ambe las
loras maissantas politicas. Dins la populacion dels malauts, podèm
listar lo personal politic de la majoritat de Tolosa (elenada a la fluiditat dels desplaçaments automòbils ?), majoritat de
genièr 2017. Lèu serà la libertat de circular que serà tocada per
X rasons de sentat publica o de sentat politica ? D'unes pervers
diràn que serà la polícia municipala tanben que serà susvelhada,
quand serà albergat dessota un lindal per se protegir de la plèja e que moltarà pas los veïculs mal estacionats, dabans lo Pullmann ;
lo ciutadan aurà çaquelà d'acceptar de manièra umanista los
imatges manipulats, e benlèu que el tanben los filmes seràn
potencialament emplegables contra la polícia francesa coma dins
l'afar Théo en region parisenca. D'elegits se son inquietats, son pas de la còlha Les
Républicains, ni de la minoritat que la polícia es presenta dedins.
L'inquietud dels ecologistas de EELV se donèt sus un comunicat a la
seguida d'una reünion de la comission securitat a la comuna de
Tolosa ; se parla de non respecte de la Charte européenne
pour l'utilisation démocratique de la vidéo surveillance,
Carta Europèa per l'emplec democratic de la vídeo susvelhença. Los
centres commercials del centre ciutat seràn los mai susvelhats, los
clients e las clientas seràn rassegurat/ada/s, s'es cotelat a la sortida de la botiga (coma a l'Edat Mejan), la
victima aurà un filme per son avocat e lo planh que pausarà mai clarament mas contra quí (?) ;
mas aquí serà sempre aprèp lo delicte ; çaquelà dins los
centres comercials privats de l'environa de Tolosa, jà, lo filmatge
privat es sistematic, e quí protesta ?
La societat politica en Occitània èra
jacobina, umanista (benlèu), mas clarament per una vida privatizada
del mercat-Estat-nacion, e moltable per la fiscalitat encaissar ; es donc presta per arcuelhir lo vòt
FN-BM. Les Républicains son la politica de FN-BM, ambe la
corrupcion jacobina al cap e una politica de còpia los « melhors »
tempses de la repression automatizada debutada ambe lo ministre de
l'interior Sarkozy, e lo primièr ministre François Fillon,
l'accion jacobina legala ambe la fiscalitat dels pòbles de fRança
que se sap calar. Se fau demandar se lo regime de Philippe P. èra pas melhor que las camèras de susvelhença ?
La fRance va bien, nous sommes encore avec l'étiquette de République, mais pas pour longtemps.
Cap comentari:
Publica un comentari a l'entrada