Se sap gaire que la bandièra francesa e son imne sanguinari son pas lo dejunar meu de cada maitin. Donc totes seràn estonats de la veire anuèch sus aquel blòg qu'a degut suportar mantunes problèmas tecnics pendent setmanas. Mas per las santas eleccions bonapartistas francesas fasèm la lista de la corrupcion jacobina !
Donc fasèm la lista actuala dels candidats qu'aurèm dins 60 jorns a votar :
Marine Le Pen que nos fa pensar que l'argent europèu es pas l'argent francés e donc que ne podèm emplegar la causa a la bona volontat del partit seu, e sos emplegats-militants... Los Parlament Europèu es pas d'accòrd ; Es de la clara corrupcion d'argent public, car l'argent europèu es tanben l'argent de la fiscalitat de totes los ciutadans de fRança. Las municipalitats FN-BM que son pauc nombrosas, an cassòlas de corrupcion de tot escantilh, e quaisment totas ... Es pas una ficcion, es una realitat judiciària qu'agrada pas al Partit Ultra-nacional-expansionista francés que la gestion se fabrica dins un castèl a l'Oèst de Paris.
François Fillon, la crèma de la Sarthe, descendent de Clovis, legalament (coma qué las leis parisencas son especialament votadas per enganar los pòbles de fRança), a emplegat l'argent de totes, de la fiscalitat de totes, per far viure la familha sancièra, « coma totes fan » nos explicaràn los/as amics/igas politics e elegits/idas Les Républicains al fial de totas las televisions d'informacion de la TNT ; Nicolas Sarkozy a fait votar lei per ajudar lo fraire a montar lo CA d'una entrepresa d'assegurança complementària e obligatòria a La Défense MEDERIC. Avèm donc un sistèma partidocrata jacobin que nos engana LEGALAMENT ambe l'argent de totes. Alara que los problèmas economics son jamai reglats. Nimai l'organizacion de l'Estat quora son al poder.
Emmanuel Macron es l'òme del sistèma, de la casta de l'ENA que se passeja de ministèris en ministèris, puèi a la banca, per gerir l'argent del mercat-Estat-jacobina ; aquela casta a trobat aquel jove legitimista per nos enganar per las eleccions republicanas 2017 ; encara un còp la casta de La Défense que viu sus nòstra esquina e dempuèi La Défense assaja un còp de mai de se protegir, e sobretot de servar la gestion de l'argent public de la fiscalitat de totes. L'engana es encara mai granda car la presentacion es donada coma novèla, çò qu'es faus.
Benoît Hamon, elegit de las primaires de la « Belle alliance » qu'es fins finala, la polida aligança de la jacobiniá d'esquèrra, presenta una figura pròcha de la familha economica que « Merci Patron » (lo filme) ne presenta l'òbra coma los obrièrs ; podèm tanben considera que se la delocalizacion tocava los elegits e las elegidas -supausadament «nòstra» representacion republicana- èran deslocalizada en Malàsia, Hong Kong, o Vietnam (ambe las costosas estacadas parlamentàrias) fariá un estauvi real al sistèma que los pòbles de fRança an de suportar, mas la lei seriá sul pic votada per enebir aiçò ; François Rufin, picard e jornalista, a rason, los obrièrs o païsans an pauc de pès sul tèma dels interesses dels Jacobins al poder a Paris.
Puèis avèm Jean-Luc Mélenchon, elegit del parlament europèu en region electiva de Sud-Ouest, e qu'i viu pas, s'assegura diferent, mas concretament a plan comprès lo sistèma electoral ; lo sistèma electoral jacobin fabrica eleccions per aver lo darrièr bonaparta que fau pels pòbles sotmetuts e sobretot lor fau pas pensar dins aquel « monde maissant » coma l'a poscut escriure Geoffroy de Lasganerie que ne farèm un bilhet lèu ... per assabentar los lectorats d'aquel bilhet politic. Donc se presenta coma Napoleon III a las eleccions del sègle XXIen sègle ! La jacobiniá presenta fièra sa nullité democratica, Mélenchon o los quatre autres.
Los pichons candidats auràn pauc de chança de sortir, car lo sistèma manipula los mèdias parisencs, 85 % pensat per la jacobiniá trionfenta.
Bonas eleccions 2017 !
Cap comentari:
Publica un comentari a l'entrada