arcuèlh

divendres, de maig 12, 2017

esclarir las causidas per la region Occitania, candidatura République en Marche

Se sap plan qu'es impossible d'aver un partit coërent per aver candidats en nombre (tròp nombroses, evident fau collaboracion granda per servar lo sistèma jacobin) tal que République en Marche nos prepausa. 


Alara que l'universitat pensa mal per nosautres, lo cònsol màger de Montpelhièr sembla èstre la clau de las candidaturas de République en Marche, los ancians candidats Citoyen du Midi son aviat reclicats. Aquò se sona dins la manipulacion mediatica parisenca, « renouvellement de République en marche » ; i a de qué plan rire !
E se trapa qu'ai jà agut un dobte ambe los candidats/adas prepausats/adas a Tolosa, mas una confirmacion arriba de l'Aude.

 E fòl de veire lo nombre de ciutadans d'Occitània que, quora se lor prepausa d'ajudar lo jacobinisme, son primièr a sortir de la cauna; avèm alara una vista mai clara, République en Marche es Citoyen du Midi en region administrativa francesa, Occitània ; resulta a las eleccions 3 % per las darrièras eleccions regionalas. Es que lo fenomèn mediatic Emmanuel Macron e la reveréncia electorala ajudarà a far pujar lo percentatge ?

Fau ganhar moneda : un projecte personal per èstre candidat/ata de la "République en Marche" etiqueta d'Emmanuel Macron, rei-president de la jacobiniá eliseana. La democracia en Jacobiniá es un castèl en (espanha) província. François Fillon o comprenguèt aviat ; es pas lo sol, la jacobiniá sap engraissar las sotmissions de la dita representacion e dels ministres ; la seguida serà similara...

Donc sabèm que Citoyen du Midi son pro-corrída espanhòla, tot es possible per ganhar moneda, e nos la vòlon imposar coma causa occitana ; puèi sabèm que lo renovelament République en Marche passa per la comuna de Montpelhièr (capitala de la region la mai endeutament de fRança abans lo regropament), quitament pels Catalans de Tolosa o Perpinyà, o pels sotmetuts jacobins a Tolosa ... Qui es la capitala regionala ? Quí pòrta la dignitat per Occitània ?

Quora Emmanuel Macon es passat veire los sotmetuts jacobins a Tolosa, la passejada o campanha electorala de la start-up del vièlh jacobinisme èra per explicar que las start-up parisencas èran formidablas, mas pas una mendra visita d'AIRBUS, ni ATR, ni Latécoère, nimai l'oncopòle (per non pas pausar ompra a Montpelhièr, la medecina). Tolosa vist de Montpelhièr es lo voide politic e economic... o la vila a quí fau panar son economia.  La fauta de quí ? Jean-Luc Moudenc ? Carole Delga ? O l'abséncia reala de volontarisme tolzan per bastir una politica per Occitània (region administrativa francesa) ?

Se fau ara pausar la question : quora la dignitat de Tolosa tornarà ? quora tornarà realament èstre la capitala de la region Occitània ; es ma responsa. 

 Lo jacobinisme se trufa de l'electorat d'Occitània, e d'Occitània tot parier ; quand l'electorat se despertarà ?